GALAXY Player 4.2聽歌夥伴

用手機聽歌成為近年趨勢，不過用過嘅朋友都知，手機音質確實麻麻。Samsung最近就推出一部專為音樂迷而設的新機GALAXY Player 4.2，雖然同手機一樣屬GALAXY系列，不過就冇電話功能，反而着重提升音質，加入獨有的音效技術以及支援虛擬5.1聲道，以後唔使再難為自己對耳仔啦！

Android上身 音質提升

驟眼睇GALAXY Player，的確幾似手機，除了備有4.2吋屏幕之外，上至按鍵甚至長方形設計都同GALAXY S2有幾分相似；而且又預載Android 2.3.6系統，同樣可以下載Apps、打機、上網和睇片。話雖如此，新機主打的卻是音樂功能，特別採用SoundAlive音效技術，內置多種不同EQ畀你選擇；加上支援虛擬5.1聲道，令音樂層次更加明顯。而此機仲特別配備一對立體揚聲器，試聽發現喇叭輸出甚大，但聲效又唔拆，效果不俗；唯一要彈是隨機附送的耳機隔音能力一般，建議另購一對高質耳機！

查詢：3698 4698