玩Game贏波衫
今期Nike Football以「My Time is Now」為口號，刺激各路球迷嘅腎上腺素，相信剔牌旗下球星大混戰嘅廣告片，你都睇過無數次，幾時又輪到你落場Show Quali？就算唔可以日日搵到場、約齊腳開波，都可以到朗豪坊玩番轉，事關NIKE HK就喺四樓通天廣場擺下擂台，由早上11點至晚上11點，大屏幕都會播放My Time is Now廣告片，參加者只要跟足指示，當指定球員控球或者射波時，你又照住做，好似玩體感Game一樣，時間愈準分數愈高。玩完之後，即場送番個MY TIME IS NOW iPhone Case 畀你做小禮物，每日最高分者再送2012年國家隊球衣套裝，包括荷蘭、法國或葡萄牙，不過講明先數量有限，換完即止，而且朗豪坊嘅擂台陣只係擺到本周日，快快Take Action啦！
認住四樓呢個足球Game攤位，試一試自己嘅腳法啦！
咪誤會，花園街多間舖頭嘅捲閘唔係畀人惡意破壞，其實係因應My Time is Now而作出嘅特別塗裝，模仿中咗猛虎射球後嘅情景，搞到夜麻麻嘅波鞋街都充滿球場Feel。