東瀛超醒發明 Fail版

有時候我會諗，多啦A夢嘅百寶袋裏面，係咪每一樣發明都咁有用呢？大和民族素來喜愛鑽研新事物，但有時難免諗埋一邊Over咗，因此留低咗好多「騎呢」發明。今次就為你精選日本歷年一大堆「自以為好醒，實情豬頭炳」嘅發明，總有一款啱你，送禮、自用皆宜。

貞節防狼裙

攜帶胡椒噴霧係犯法，咁如何有效防狼？日本有位女士來個大變身，拉拉條裙，化身成一部汽水機企埋一角，色狼見唔到，貞節得可保！呢種隱身術有個缺點，就係大大對腳喺下面穿晒崩喎！天才！

BB仔最鍾意喺地下爬來爬去，一於搞到佢變地拖布，等佢細細個已經開始幫手做家務，培養責任感。

見到呢個防止秀髮一齊食麵嘅裝置，腦海第一時間哼起「太陽是個大紅花……」！大面人不宜。

試諗吓落雨嘅日子，有一個個人形水母同你一齊等巴士，其實仲恐怖過貞子！

搭車企喺度都瞓得着嘅讀者，真係要整番個睡眠支撐器托一托；不過，閣下同吊頸有咩分別呢？

Adrian Reporter

人世間最嘥時間莫過於企定定等過馬路，原來世界各地有啲交通燈都千奇百趣，等都等得過癮啲。好似英國劍橋街頭就以微笑做圖案，蒙古烏蘭巴托綠燈公仔曉飛一樣，另外德國德累斯頓就有紅燈小女孩，為平淡生活增添笑意。

Champy Reporter

無聊又唔想打《Diablo III》，可以學日本人山田惠輔先生用香蕉雕公仔，佢雕乜似乜，人樣又得，飛龍亦得！真奇怪，點解香蕉唔會變黑嘅？原來秘訣係喺條蕉上面搽檸檬汁！想睇多啲雕蕉傑作？Google啦！

Silvia Reporter

呢個男廁真係體貼入微，令人賓至如歸。因為佢請來鼎鼎大名嘅狄娜姐姐溫馨提示大家：「不要在尿兜上大便。」嘩！原來唔可以咁做？真係唔講唔知呀衰鬼！其實畀人眼甘甘望住如廁，你去得安樂嗎？

地點：銅鑼灣

Doris Editor

中國另類四大發明粥粉麵飯，由魏晉南北朝演變至廿一世紀，終於都Fusion咗「激情」新元素，而鋸扒亦非常「誘惑」！咁有創意，呢鑊發達囉！非也，小記想再次幫襯激情一番，點知發現佢舖已執。噢賣葛！

地點：銅鑼灣

Boris Reporter