勝在大粒字 emporiaELEGANCEplus 至啱媽咪
好多Smartphone雖然屏幕夠大，不過顯示字體細，虛擬鍵盤又唔慣，搞到老媽子成日投訴。SmarTone最近就推出一部奧地利出品的簡約新機emporiaELEGANCEplus，備有體積超大的實體數字鍵，而且有對比度極高的1.8吋藍色背光OLED屏幕，易睇又實用，孝敬母親至啱數！
超大鍵盤 好打好用
雖然emporiaELEGANCEplus只係一部Feature Phone，不過設計絕不馬虎，黑色光面機身，配合貫穿機身前後是一條銀色金屬邊，感覺相當高貴。而新機最大賣點，就是那實體鍵盤，每個數字鍵都有1.5×1cm咁大，加上不俗的回彈力，打電話就唔怕按錯號碼。
簡易操作 藍光屏幕
原來機身仲有其他方便用家的心思，就係將用家最常用的功能都設定成實體鍵，置於機側兩邊；左邊有鍵盤鎖、音量及開關鍵，而右邊則有電筒、藍芽、目錄同埋鬧鐘，操作簡單又直接。值得一提，機身備有1.8吋藍色背光的OLED屏幕，不但顯示字體夠大，而且藍色背光仲極之清晰，就算媽子有近視或老花都好易睇得到！
「急即援」 小時On Call
SmarTone更同時推出名為HelpNow on「急即援」的新服務，大家只要透過iPhone、Android、BlackBerry及Windows Phone上的Web App，即可24小時聯上受過專業培訓及經驗豐富的「急即援」應急團隊，應付急切的求助個案，例如旅遊時遇上意外，又或需要緊急的醫療援助等等，應急團隊都可幫得上忙，必要時更會代為向緊急支援機構求助。另外，emporiaELEGANCEplus機背更備有心形緊急鍵，長按三秒，就會自動開啟免提功能及接駁至應急團隊。
HelpNow on「急即援」INFO
月費$78（包括HelpNow on Mobile「急即援」服務，適用於智能手機用戶；需簽約12個月。）
查詢：2281 8888
月費$168（包括emporiaELEGANCEplus手機及HelpNow on服務；需簽約24個月。）
將鍵盤鎖輕輕向上推即可將鍵盤鎖定，操作簡單。
SIM卡需要拆除電池後方可更換，而且不設外置記憶卡。
數字按鍵大大粒，指頭幾粗都唔會按錯。
HelpNow on「急即援」服務備有智能手機版本，人人都啱用。
機背備有一個緊急鍵，長按3秒就會自動開啟免提功能及接駁至應急團隊。
右邊機側備有電筒、響鬧等功能鍵，可以直接開啟相關功能。
內置短訊、聯絡人、通話記錄等功能，足以應付日常需要。