雲上旅程：尼泊爾之旅（十三）

當大家騎着大象進入森林找尋動物之際，幾隻大象停在某草叢旁，到底有甚麼？原來是鹿！不過還是要有好好眼力看，因鹿的口和耳在郁動時才易看到，否則那種保護色其實頗強。之後幾隻大象走入另一叢林圍着一隻大鹿，牠輕輕鬆鬆地吃着東西。大象們離牠相當近，為何牠不會跑開呢？我開口說：「其實啲鹿係咪假o架？只係個口郁，會唔會好似迪士尼咁，係機械動物嚟o架？」過了一會，那隻鹿終於受不了眾人及眾象之騷擾，起身跑了！噢！原來是真鹿！

過了一會，前面幾隻象在大叫，看來是有新發現吧！我們的象一轉彎，便見到一大一細的犀牛！最離奇的事並非犀牛本身，而是我們的象用鼻一伸並大叫了一聲，當地人表示，這是大象向犀牛打招呼，意思是：「放心，不是跟牠們起衝突。」兩種大型動物打招呼還是第一次見。後來出現的大象也這樣打招呼，兩隻犀牛就近距離任我們影！但點解牠們一點也不怕人呢？之後，象群又轉了個圈來到一個水池，又見一大一細犀牛！我又開口說：「又話好難見到犀牛？點解一見又見咁多？係咪頭先嗰兩隻嚟o架？佢哋唔怕人，係咪有人特登養喺度畀遊客睇o架！」此時朋友終於開口：「無動物睇你又話人，見到鹿又話係假，見到4隻犀牛又話人哋安排定！你真係難服侍呀！」別怪我，都怪太幸運，因此以為是假。（明天續）