杜甫很忙
最近,詩聖杜甫成為網絡紅人,一幅內地課本入面嘅杜甫像,居然激起同胞源源不絕嘅(惡搞)創意,網上甚至有說:「人類已經無法阻止杜甫了。」講多無謂,睇嘢啦!
Tony Editor
地點:大埔
3D康樂棋
近年科技已進入3D時代,但係就點都估唔到,大家細細個玩嘅康樂棋都推出3D版,欣賞時麻煩大家自備主動式快門3D眼鏡……梗係「吹水」啦!邊有3D康樂棋o架!其實係印刷上出現偏差而已,不過,與其為小小不如意大呻不滿,有時換個角度自娛一吓都唔錯,笑一笑比鬧爆好得多呢!
Boris Reporter
地點:將軍澳
iPad過熱嘅原兇係……
喬教主:「塵世間I.T.迷個個都話New iPad之所以過熱,係因為朕無參與設計,如果寡人睇到實,一定唔會咁喎。哈哈!各位太抬舉朕喇,其實iPad過熱可以有好多原因,好似呢位朋友,返工時部iPad周屋亂放,隻貓一個唔該就坐上去,一坐就幾粒鐘,你話部iPad唔過熱就奇啦。」
Angus Reporter
蕉Phone 4S
記得有個曾經宇宙咁大嘅手機牌子出過一款蕉形手機,當年好多人以為佢個形狀Fit番自己個Pat形,插喺後袋諗都唔諗就坐低,所以特別容易一「啪」兩散!有見及此,後人就發明咗呢個蕉Phone 4S,將佢嘅香蕉特點加以強化,亦更加容易坐爛!而每隻手機都響應環保,保證物料全天然,直頭比起另一款生果手機有特色得多。
Michael Reporter