Reporter's Choice：叮叮樂天熊仔餅

唔講唔知，其實有很多東西都可放入微波爐叮熱來吃，例如樂天熊仔餅。某次朋友講起，他曾經試過將8至10粒熊仔餅、背面向天的放在碟上，然後放入微波爐叮50至55秒，叮過的熊仔餅，內裏的朱古力會完全溶掉，加上餅面帶微微焦香，非常美味，唔信？買包返屋企試吓咪知囉！

嫲嫲的味道

以前嫲嫲總喜煲一款烏卒卒的糖水，裏面放有清湯圓，很清甜。但自從她過世後，我再也未沒吃過那種味道。直至早前朋友帶我到西環的源記吃桑寄生蛋茶，呷了一口，不禁叫了出來：「嫲嫲的味道！」原來這味道極清甜的糖水叫桑寄生，據說具補肝腎、強筋骨、祛風濕之效，有益又美味。朋友還說將碗裏的蛋黃弄碎混在糖水中，別具滋味。

別了經典魚蛋

山窿謝記結業，引來不少人湧至一嘗最後的美味，我亦唔執輸專程幫襯，當日未到正午12時已現人龍，等到12時許，新鮮炸魚片出爐，但12時45分已售罄，老闆娘不斷大喊：「冇晒炸魚片啦！唔好再排隊啦！」免得客人白等，這便是大師級的排場及態度。而我當日則在店內吃了一碗魚蛋魚皮雲吞紫菜湯河，另加一碟淨魚片，無論魚蛋、厚切魚片都彈牙味濃，很滿足。