《Mass Effect 3》科幻史詩三部曲完結篇

《Mass Effect》系列最引人入勝的地方係氣勢磅礡的史詩式劇情，描述人類最後希望主角Shepard面對龐大外星民族入侵下，仍奮勇抗戰，故事可歌可泣，而其強勁射擊系統再加上極強射擊表現都令Game迷喝采。剛推出的三部曲終結篇《Mass Effect 3》更將敵眾我寡劣勢放大，對答時選擇不同答案可能會帶來相異結局，節奏緊湊，令人一玩就唔停得手，外國權威遊戲網更打出9.5分高分成績！

Kinect語音輸入講對白

初次接觸《Mass Effect》可能會覺得遊戲對白太過長篇大論，但精警對白同每個答案都影響住之後故事的推展，而此乃正是《Mass Effect》一大特色。如果大家係玩Xbox 360版的話，更支援Kinect的聲控選擇對白及所做的動作，但有幾多香港玩家可發出標準美式英語呢？真係無從稽考。不過可以肯定的是遊戲的支線甚多，每個唔同選擇都會將劇情推進到一個新的分支上，主角可唔可以在最後階段救番地球就要睇玩家的造化。但無可否認，今集敵人的AI進一步提升，更會針對玩家的戰術作出調整，不過只要玩家更善用組隊合作精神，其實都有望過到關！

武器升級外表更有霸氣

戰鬥系統亦係《Mass Effect》系列受歡迎之處，到終結篇時又再進一步強化。戰術運用係其中之一，適當調配隊員以及其他兵仔去抵擋採用人海戰術的敵人已係一門學問，更有相當豐富及全面的裝備以供使用。而且每種武器的升級並唔止得數值上的改變，如加入獨特配件或者能力升級，就有可能改變武器的外在樣貌，令武器愈升愈有霸氣！如果有追開這大作系列的前兩集，終結篇《Mass Effect 3》都係必玩之選，但係會唔會好似《Halo》轉公司再出第四集呢？玩完結局後再放長雙眼去睇啦！

INFO

類　　型：角色扮演

開　　發：BioWare / EA

平　　行：PS3、Xbox 360、PC

推出日期：已推出

售　　價：$449（PS3、Xbox 360）、$389（PC）

查　　詢：3166 6001