on.cc 東方互動主頁

沙律做主角輕怡Tea Buffet

經過五天辛勞，明天放假，我鐵定相約三五知己大吃一餐，以美食慰勞自己。不過，朋友話食得多怕肥，冇問題！因為我為她選來富豪香港酒店御花園推出的悠閒假日下午茶自助餐，以健康沙律作招徠，甜品也是一啖一口居多，狂擦都冇咁易肥。

難得可以放鬆心情食餐好，當然要選間環境悠閒的餐廳，像富豪香港酒店的御花園，特意在Buffet枱上呈現幻彩燈光，為整間餐廳注入生氣，甫踏進內，即被其摩登氣息所吸引。

自家配搭清新沙律

食物方面，除了輕怡的壽司外，場內還設有一個沙律吧，讓客人任意挑選由廚師調配好的沙律，如泰式墨魚沙律、吞拿魚沙律、煙三文魚沙律外，沙律吧內還備有多達30款材料及醬汁，不妨隨自己口味來調配。而值得一提的，是醬汁除了基本的千島醬、法式及意式之選外，還有蜜糖芥末、凱撒橄欖油及墨西哥辣肉醬，選擇豐富，沙律粉絲一定為之瘋狂。

迷你食物　試多幾款

為免吃晚餐時冇胃口，下午茶通常都不敢狂食，細心的廚師們因而特別將特色小食弄得精緻一點，如迷你三文治配烤牛肉、燒黑椒吞拿魚配甜酸醬、脆煎雞翼、炸蝴蝶蝦及中式點心，就連華夫餅、班戟、木糠布甸等甜品都是細細件、細細杯，令大家多試幾款口味。不過若你想飽肚一點的，場內亦有廚師即場烹煮越式粉麵、鮮味雞粥及多款東南亞熱葷，貼心周到。