袋袋平安 原道N50
唔少人都鐘意靠在床上用Tablet煲劇，不過長時間托住部7吋或10吋Tablet，好易因不良坐姿而令手肘或條頸出現問題！所以如果想睇得舒舒服服的話，不如索性買部細啲嘅，好似呢部原道N50，屏幕得5吋大，成部電話咁就至啱，至低限度唔使拎到手攰，出街仲可以擺入褲袋呢！
ARM架構處理器裝乜都得
之前山寨Tablet好多都鍾意用MIPS處理器，快係快，但係好多Apps都裝唔到，得物無所用。而這款原道N50就採用ARM架構Cortex A8 1GHz處理器，優點係乜都裝到，本身亦已預載《MyTV+》App，即時就可以睇電視節目或劇集，而且由於預載了官方Market，所以搵App冇難度，兼容性仲非常強，唔少對規格要求比較高嘅Android Games佢都玩到。打機時又可以按實搜尋掣鎖晒啲功能鍵，咁就唔怕打機時誤觸功能鍵而跳出遊戲，搞到要從頭打過。
原道N50 $880
機身介面設有防塵蓋，美觀之餘更加強對介面保護。
原道N50也有Android Tablet常見嘅四鍵設計，如長按搜尋掣，仲有鎖掣作用。
機背無鏡頭，只得機前有，正好可以做視像對話同自拍，正！
《MyTV+》都裝到用到，相信係好多Tablet用家最想要嘅功能。
試玩《Asphalt 5》賽車Game，可以鎖掣，自然玩得更揮灑自如，仲行得好順呢！
原道自家設計介面，甚有Android 3.X系統味道。如果常用操作放於畫面四角，就更方便了。