大富翁App 新年鬥有錢

《MONOPOLY Here & Now: The World Edition》四人齊玩 下載費用：US$0.99

剛剛先放完聖誕長假，嚟緊又有除夕同元旦假期，農曆年又好快到，Party Time又來了！唔想次次開P都淨係打機、打牌咁悶的話，大可以用iPhone玩吓Board Game。AppStore就有齊鬥有錢的《大富翁》和鬥智的《Scrabble》，大部分Apps仲可以幾人連線對打，連買棋盤嘅錢都可以慳番！

以往大家去上樓Cafe，《大富翁》都可算是必玩遊戲，此App就將這個經典Board Game移植到iPhone，同一部iPhone上一個人玩又得，四個人玩都得；仲可以透過Wi-Fi四人連機，齊齊用自己部iPhone玩！本作除了介面加入3D立體效果外，更加入特效如搖機擲骰，玩得夠過癮。

1.支援一至四名玩家，獨個兒也可以玩，比實體版具彈性！

2.搖吓iPhone就可以擲骰，似足實體版。

《Mancala: FS5（FREE）》算術寶石棋 下載費用：免費

若嫌回合制遊戲太浪費時間，玩法相對簡單的寶石棋遊戲就一定唔可以錯過。這App依照西方傳統寶石棋，左右兩個大洞為兩名玩家的基地台，大家輪流從己方的小洞內將棋子以逆時針方向分配到其他小洞，每洞一粒棋，直到分配完畢，當其中一方獲得超過總棋子數量一半時就為勝方。遊戲難玩之處在於分配棋子時極考算術能力，數底好的朋友實有優勢！

1.除了傳統木棋盤，更有Zombie等主題，相當得意。

2.傳統木材棋盤，好Old School啊。

《Bop It!》捽芒考反應 下載費用：US$0.99

此遊戲本來屬於兒童遊戲，不過推出後大人、細路都鍾意玩。遊戲最多支援四名玩家，屏幕會隨機出現不同的玩具，只要按屏幕指示模擬打、扭、拉等動作就可以過關。難度在於屏幕上有時會出現多達六個玩具物體，出現速度仲超快，絕對會玩到大家「手忙腳亂」！

1.有不同玩具在同一畫面，考反應之餘，玩家仲要記得每樣玩具的玩法，好難！

2.每過一關就會有不同新玩具Unlock，夠晒耐玩。

《King of Opera》音樂眾樂樂 下載費用：US$0.99

考音樂節拍的小遊戲大家就玩得多，《King of Opera》雖然同以音樂為主題，不過就搞笑得多。遊戲中有四名熱愛唱歌的肥佬，當音樂開始，大家就可以將台上的對手撞落舞台，從而搶得Spotlight獨唱。遊戲共有三回合，每個回合90秒，只要在Spotlight下獨唱時間最長的玩家就成為勝方。每個回合的贏家會戴上皇冠，而落後者就會戴上牛角，場面有趣，四人對打最夠Fun。

1.每個肥佬都會自轉，只要校啱方向就可以向前衝，將對方撞落台。

《SCRABBLE》益智拼字 下載費用：US$0.99

想玩益智遊戲，就不得不提《SCRABBLE》。這外國超Hit的英語拼字遊戲，輪流將詞彙以橫或直的方式列出，而不同字母都有不同分數。App版就透過Drag and Drop形式將字詞拉落版圖上，更支援Multi-touch放大，玩落都幾方便！而且亦支援Wi-Fi連線四人對打，可以邊玩邊學英文呢！

1.支援Wi-Fi對打，一齊玩先過癮o架嘛！

1.要利用屏幕下方的英文字母拼字，英文水平差啲都玩唔掂。