on.cc 東方互動主頁

大禮支持Nissan March

聽日就係聖誕節，啱啱女朋友又考到車牌嘅話，唔使問，梗係最想要部新車做聖誕禮物啦！如果你想行動上鼓勵佢操車的話，首要考慮到「新牌仔」的需要，易操控先係First Priorty；日產（Nissan）March車仔細細易睇位外，錶板仲加入特別功能，中間屏幕可以顯示輪胎轉向角度，車未郁已知輪胎方向，減低揩到欄杆或其他車嘅機會，有誠意、又細心，再幫她供埋車就真係應了拆禮日的意義了！

驟眼睇，送車好似好重皮，不如認認真真計計數，March嘅車價只係$149,800，連同牌費（$4,012）、0%NCB保險（$10,909）都係$164,721，扣除10%首期後，以3%利息上60個月車會，月供$2,841，計落一日唔使$100，總好過大時大節奉送五位數字嘅手袋、手錶咁唔實際。況且March車價親民，設備又交足貨，附設一套支援USB輸入嘅音響系統，可接駁數碼音樂播放器，一插即聽，非常方便；錶板唔只有輪胎轉向角度顯示功能，仲會顯示重要紀念日嘅訊息，幾冇記性都唔會忘記你生日啦！

$0.67油費畀得起

香港養車成本唔低，油費已經佔咗一大截，所以慳油車仔愈嚟愈受歡迎，反正大馬力車唔啱新手，以慳油主打嘅March確係新牌仔首選。新March搭載1.2公升直三CVTC引擎，擁有79ps馬力，最大扭力就有10.8kgm，力量啱啱好，雖然唔可以期望加速似火箭，不過都唔使擔心上斜唔夠力，作為代步車綽綽有餘。況且廠方指出平均耗油量可低至24km/L，折合每公里嘅燃油成本，都只係$0.67左右，幫女友畀埋油錢都仲得。

睇位調頭So Easy

細車好處唔只慳油，就連睇位都易好多，新March嘅車身長、闊度分別為3,780mm及1,665mm，可以輕鬆穿梭橫街窄巷，加上迴旋半徑只有4,500mm，窄路掉頭都易如反掌。此外，擋風玻璃嘅面積又比上一代大，視野更廣闊，轉彎時，左右兩邊視線唔會被A柱遮住，就算係嬌滴滴嘅女生，都毋須為睇位問題擔心。最令筆者驚喜係車身細細，但係車廂空間就出乎意料寬敞，尤其是後排嘅頭、腳部都拍得住1.5私家車，依家代理仲有霧燈、皮椅及車身拉花做Option升級項目，價錢由$1,880起，都算大眾化。