喇叭、配件開倉 執平貨過聖誕

聖誕氣氛日濃，大家購買意欲也直線上升，但想買得抵，又要用得着？今日起一連三天，冠恒會在太子始創舉行開倉大特賣，備有多款靚聲喇叭、可愛卡通產品和電腦配件益大家，多款貨品更只需二三十元已有交易，真係交換禮物最實際！

喇叭類：至好聲 Logitech Z-5500 5.1

為求靚聲，唔少人也想添置5.1聲道喇叭來增加現場感；今次冠恒開倉重頭推介就有這部獲THX認證的Logitech Z-5500環迴音效揚聲器系統，它備有一個10吋重低音喇叭，並配有高解析度低音驅動技術，無論睇片聽歌一樣咁震撼！

原　價：$2,990

開倉價：$1,990

每日限量5部

360°全方位音箱 Logitech Z520

地方唔夠放5.1喇叭點算好？擁有360°音箱系統的Logitech Z520就最啱，其雙喇叭各自備有26瓦（RMS）功率，並採用擴大雙向設計，能將聲音平均傳送到四面八方，在有限空間中發揮360°全方位效果，開倉價只需$399，真係十分抵玩！

原　價：$899

優惠價：$399

每日限量10部

Party必備RCA iPhone Speaker RC9021

RCA iPhone Speaker RC9021有齊鬧鐘、FM收音機和支援iPhone播放及充電功能，其2.0喇叭輸出可高達6W，多功能滿足大家之餘，聖誕Party帶到朋友家播放亦甚輕便。

原　價：$580

開倉價：$299

筆電拍檔 Logitech N700

放部Notebook喺床上睇片真係夠過癮，Logitech這款N700音箱膝上架喇叭就啱晒大家。它左右兩邊置有喇叭，能做到立體聲音效，並且備有10°仰角托架及柔軟網布纖維質料，長期使用頸部及腿部也不覺太累。

原　價：$699

開倉價：$399

每日限量10部

袋類：行政背包 Targus TSB285AP

又要放文件又要擺手提電腦，只是靠一個Messenger Bag，就真係唔多夠用；Targus 14吋TSB285AP背包配合專業行政人員形象而選用全黑色設計，拉鏈間隔簡約實用，放置文件、隨身文具及14吋Notebook清晰分明。加上，孭帶位置特地加厚，能將重量平均分散到背部不同位置，減輕肩膀負擔。

原　價：$530

開倉價：$230

隨身電腦包 TSS113 15.6吋

如輕裝上陣的話，Targus TSS113 15.6吋大型notebook袋則大派用場。它以輕巧的尼龍物料包裹着軟熟的海綿作夾層，並備有前後兩個間隔，後面可放置15.6吋手提電腦之餘，前方則可擺放iPad。

原　價：$238

開倉價：$100

抵玩配件類：人見人愛迪士尼Webcam

無論小朋友或大人都喜歡可愛的迪士尼公仔，開倉嘅Webcam備有反斗車王、米奇、史迪仔和三眼仔等角色。加上每款Webcam備有130萬像素CMOS，最近拍攝距離為20cm，配合內置咪高峰和播音器，聲畫功能一流。

原　價：$329

開倉價：$30（陳列品）

$1入手迪士尼光學滑鼠

一蚊一隻滑鼠？大家無聽錯，仲要係迪士尼版本，分別有藍色的米奇和粉紅色的迪士尼公主，左中右三個按鍵會發出藍光，配上卡通人物剪影，賣相十分可愛。此滑鼠採用光學傳感器和可以隨插即用，反應夠快，使用又夠方便。

原　價：$99

開倉價：$1

只限10件

最平通話Motorola D1101

有線電話已經過時，想於家中隨處傾隨處講，Motorola D1101輕巧DECT Phone就啱大家。它機身夠薄，又有全彩色屏幕，鍵盤上更有柔和炫藍背光，就算半夜起身打電話和朋友傾偈，亦不用開燈打擾家人。加上，此機室內最遠接收範圍為50米，千幾呎大屋都用得着！

原　價：$698

開倉價：$48（陳列品）

每日限量15件

Shopping Info

日期：2011年12月16至12月18日

時間：下午12:30至晚上8:30

地址：太子彌敦道750號始創中心2樓17室

查詢：3619 6500