時裝樂園
聖誕節是女士們落力扮靚的重要時節，不過未必要紅紅綠綠聖誕樹上身又或帶着薑餅人上陣才叫靚；仲未諗到用咩Look度佳節的話，到商場欣賞舞台設計師及國際插畫大師建構的時裝樂園，話唔定即刻有頭緒呢！今年商場把聖誕裝置融入Fashion元素，潮味十足，除數棵迷幻水晶聖誕樹外，聖誕鹿、薑餅人、聖誕老人統統讓路，取而代之的，是以時裝為主題的特色布置。商場邀請本地舞台設計師Benfi Sum設計超華麗舞台，更有曾為High Fashion品牌如Miu Miu、Elle、Sisley、Anna Sui等跨科合作的頂尖插畫師Liselotte Watkins，為大家設計出極具時裝感的布景。不但有6,000平方呎Bling Bling時裝堡壘，女士們更可順道欣賞特地由美國及新加坡運來的迷你香膏、香水等近千款珍品，過一個充滿香氣的佳節；建議大家穿着一身華麗「飲Look」到場，扮扮超模，於水晶燈光下Chok樣擺甫士！
置身華麗樂園，成個人都靚咗！
閃爆水晶球不定時開放，要扮Party Queen就要碰運氣。
由本地資深舞台設計師Benfi Sum設計超華麗布置，帶出濃濃霓裳風韻。
大家可坐於頂尖插畫師Liselotte Watkins設計的布景前，Chok住影張靚相。