經典卡通童夢Apps

細細個無互聯網，大家會將Snoopy、多啦A夢和Hello Kitty等心愛的卡通公仔剪剪貼貼到書本和文具上，實行日對夜對。現在實在太幸福了，想日日都見到他們？隨手下載Wallpaper就得，想再瘋狂一點的話，不如下載他們的Apps玩玩吧，這些Apps有的是育成村莊，有的則內置多款小遊戲，可以一邊自娛一邊回味往日童真呢！

集郵靠齊心Snoopy's Street Fair

定時收割式的育成遊戲相信大家玩唔少，但不少人就嫌其互動性唔係咁夠。Snoopy's Street Fair就給予大家全新感受，可以開舖賺錢升級和達到不同成就外，更有機會認識到其餘20位花生漫畫角色。加上，此Game可以連結Game Centre，與朋友交換遊戲中的漫畫卡及互送小禮物，想火速集齊就要大家同心合力啦！

下載費用：免費

室內釣大魚Doraemon Fishing+

釣魚唔一定要出海嘅！點解？只要家中有位萬能的多啦A夢就可以了。推出不久的Doraemon Fishing+可以揀多啦A夢或大雄，並有五種難度級別挑戰，難度愈高，可釣到的魚款式就愈多和愈高級，配合加速、避開鯊魚和增加漁穫等提升道具，34款魚獲更易入手，所以話釣魚又使咩睇天氣呢！

下載費用：免費

白色聖誕降臨精靈村Smurfs Village下載費用：免費

早前《藍精靈》電影上演掀起熱潮，令唔少朋友下載了此App，不知大家現在升到第幾級呢？如果還未升級至Level 26的就要加快腳步了，皆因聖誕節臨近，26級後地圖將得以擴張，加上一些節日任務，可贏取雪人、聖誕樹和雪精靈等擺設，好讓大家率先感受白色聖誕。

3D貓捕雀Garfield Bird Crazy Free

點解加菲貓要3D先好睇，因為佢肚皮夠大，立體感十足嘛！不過肥胖的他最近想挑戰地心吸力，所說的就是，《Garfield Bird Crazy Free》這3D貓捕雀遊戲，利用iPhone內的Motion Sensor和輕觸屏幕控制左右，以及輕點屏幕即可於空中跳躍，以捕捉天空上的小鳥。有時更會出現降傘及食品為加菲貓增強戰鬥力呢！

下載費用：免費

填色又扮靚Sanrio Characters Sunae Party

Hello Kitty和My Melody可說是Sanrio的代表角色，不少女生都曾購買她們的產品，就連Wallpaper及枕頭也有她們的份兒。《Sanrio Characters Sunae Party》則可滿足大家幫她們扮靚的心願，玩時需要利用手指點選不同顏色細沙填色，再加添不同飾品為她們扮靚，最適合心思縝密的女生打發時間。

下載費用：US$3.99