即飲靚湯 邊碗最滋潤?

天氣雖然未至於凍到騰騰震,但嘴唇、喉頭已乾涸到不得了,經常感到口渴難耐,甚麼熱飲、蜜糖,都不及一碗熱呼呼的老火湯更能滋潤身心,可是沒心神沒時間慢慢煲?可幸坊間有大量即飲靚湯隨時Stand By,想幾時潤吓都冇問題。

冬天爆乾燥,整個人都感到繃繃緊,飲幾多水都於事無補。這時,惟有來一碗滋潤靚湯,才令人感到肌膚飽滿富彈性,可是要煲老火靚湯,並不是將所有材料倒進煲內,加水開火煲咁簡單,既要洗洗切切,又要花時間睇火,我等都市人哪有閒情逸致?

幸好,現在想飲碗熱呼呼的靚湯絕不艱難,皆因超市、便利店等紛紛推出各式滋補湯水,杏汁豬肺、花膠海參、響螺燉雞等,只需連包裝或將湯直接倒入煲內,加熱5分鐘,或放入微波爐加熱2至3分鐘就有得飲,入口每啖暖身又滋潤。價錢方面則豐儉由人,由10多元至50元一包不等,當然質素亦有差別,有的更附有湯料,食埋湯渣,夠晒飽肚!為大家精選6款不同品牌的即飲滋補湯,看誰最足料、抵飲又滋潤。

查詢:(a)2140 6689、(b)8198 2222、(c)2918 9986、(d)2991 6337、(e)2311 2987、(f)2638 1629

攝:Bowie、Kent、Fanny

Champy.C

燕之家猴頭菇響螺燉雞
夠二人同享。是最多料的一款即飲湯包,有齊雞肉、豬𦟌、猴頭菇及響螺等,味道清甜分量又多。$59/450g(c)

東方紅花膠燉乳鴿
從錫紙袋倒出來即見鴿肉、豬𦟌、花膠及冬菇,有助滋肝補腎及調和內分泌,雖然藥材味頗重,但飲完覺得很滋補。$55/450g(b)

MX杏汁豬肺湯
具有養顏潤肺、止咳化痰和潤膚功效,隔了渣的湯水入口味道清淡,杏汁味不太香濃。$38/480g(a)

日日鮮味蘋果雪梨煲豬腱湯
完全沒有湯料的即飲湯,但勝在價錢平,味道則有點像清水般淡茂茂,飲真啲有丁點甜味,卻沒有鮮香。$12.9/330ml(d)

原味家作川芎天麻淮山燉肉排湯
湯料分量適中,藥材味較重,卻少了點肉鮮味,但整體算不錯,加上價錢相宜,可以一試。$38/350ml(e)

鴻福堂椰子雪耳竹絲雞湯
屬秋冬新推出的滋潤椰子系列,能滋補脾腎、養顏潤膚,而且還有不少的烏雞肉,但略嫌椰子條帶點硬。$48/400g(f)