速遞即煮午餐
有誰不知道食飯盒、快餐好冇益？但奈何生活逼人、工作忙碌。無得揀！只好繼續吃下Junk Food。最近，發現網上速遞公司City Kitchen推出午市套餐，價錢由$88起，午餐包括頭盤、主菜及飲品，主菜更有6款選擇，包括日式吉列豬扒便當配麵豉湯、泰式冬蔭功湯配青咖喱、西式肉醬意大利粉配沙律、中式炒牛肉配白飯、素食的泰式素菜炒貴刁配素春卷，以及特別炮製的煙肉芝士漢堡配薯條，全部即叫即做，貪新鮮致電訂購在公司慢慢歎，有齊環球口味，不錯！可惜此速遞服務現只限於中環、金鐘及上環一帶，其他地區可要再等等啦！
查詢：3111 2225
網址：citykitchen.hk
青咖喱雞飯配冬蔭功湯 $98
青咖喱入口微辣卻溫和，配上香辣的冬蔭功湯，瞬間由公司飛到「泰國」。