粉飾車廂 醒神駕駛

如果你需要日日都揸車嘅話，坐喺車廂嘅時間肯定好長，由小型揭背車到大型七人車，多數車款嘅內櫳都以深色為主，對得多都咪話唔悶。想揸車醒神啲，不妨自己搞搞新意思，幫車廂粉飾一番，好似今次介紹嘅新款香精、手機充電器及掛架等，鮮色、淨色齊備，為車廂加添新顏色之餘，又有實際作用，各位車主大可按個人喜好及需要，為座駕換新裝。

車廂裝飾咪過多

唔少人都鍾意喺車廂添置飾物，不過要適可而止，如果放得太多或者放不得其法，可能會影響駕駛，甚至增加出意外嘅機會。

1.唔好放過多飾物，尤其是又硬又起角嘅物件，以防發生碰撞時被擊中，增加受傷機會。

2.唔好放反光物品喺車頭位置，事關日間駕車會受陽光折射影響，造成前方視野不清。

3.放置過多香精可能會令呼吸道敏感嘅乘客不適，而且大部分香精非天然製造，切勿過量。

4.過多飾物難免增加車重，無無謂謂增加耗油量，何必呢？

5.毛公仔或地氈之類要定時清洗，否則會惹來塵蟎，增加患呼吸道疾病嘅風險。

香精篇 色香俱全

為車廂添置香精，唔只有辟味作用，仲有裝飾作用，事關近年流行色彩鮮艷嘅款式，部分又可以直接掛喺冷氣風口，葉片隨風而轉，夠生動！

大大朵鬱金香 $35

市面罕見嘅獨特造型，不過小心體積較大，可能會遮晒成個送風口。

的骰造型 $48

外形成粒骰仔咁款，又有唔同點數以供選擇，至啱平時鍾意玩大話骰嘅車主啦！

蝴蝶夾香精$55

唔只外形特別，而且顏色鮮艷又襯埋白點，可愛度滿分，最啱屋企有小朋友嘅車主。

轉轉太陽花$18

賣相老少咸宜，花瓣仲會隨風而轉，同時散發清新花香，夠晒生動。

掛架篇 指定裝備

風口位手機座$88

適合一般類型手機使用，即使非iPhone用戶都啱使，直接將手機座插喺風口位就搞掂。

簡便式iPhone座$65

設計簡單、體積小巧，可以打直或橫向使用，最啱實用為上、不求花巧嘅車主。

毛毛手機床$88

賣相成張床咁款，白色方形加埋毛毛，估唔到做手機都可以咁歎！

Recaro電話座$88

Recaro桶椅可能你都坐得多，Recaro手機座又見過未？仲有埋四點式安全帶，包穩陣。

三合一iPhone電話座$630

專為iPhone 4而設，打直、打橫擺都得，又有充電及FM訊號轉發至收音機功能，仲可以對應免提通話，一物多用，抵讚！

查詢：2392 4244（台日汽車精品）