Chat Room

Rei（教育版編輯）

好鍾意買禮物畀人，可以令行街行得好有目的：為咗搵一件啱對象嘅禮物，諗呀諗、搵呀搵，終於搵到，感覺好到要跳起+Yeah！

不過，試過買姆明同科埋妮嘅公仔，送畀人做脫苦海嘅禮物。最後我喺另一個同事嘅櫃桶，見到佢哋瞓咗喺堆文件入面……>.<原來收禮物嘅人嫌阻碇，送咗畀佢。

寶哥哥說：「人類總是犯同樣的錯誤。」（寶哥哥是指《高達0079》主角Amuro Ray）

早前喺某商場嘅地庫，發現咗圖中嘅佢：三眼仔火箭夾夾機！佢好巴閉o架，可以將巴斯光年、胡迪同一堆三眼仔丟入去，再用嗰隻「WOW！隻爪呀！」夾佢哋出嚟。本來諗住送畀人，點知探口風時，對方話：「好靚呀！可惜我屋企無位擺。」霎時間跌咗落深淵……經過兩次教訓後，我明白到送禮要有心意之餘，仲要有心思。即係懂得對方所想，但是，談何容易？

Ivy（家庭版記者）

終於可以和朋友首次到畫室即興作畫，由於事前未曾學過，面對面前一塊白板實在一頭霧水。不過和友人說說笑笑，聽着Russian Red的歌曲作背景音樂，呷一口自備咖啡，慢慢把之前特地撕下作為Reference的雜誌內頁、透過不確定的手腕點點畫畫，竟然不知不覺就過了3小時。難得我們幾個瘋婆子，可以靜靜地、極具耐性地Mix顏料、襯色、繪畫，感覺氣質都提升呢，哈哈！畫完畫，肚子餓極的我們去了鄰近的大牌檔打冷……看來我們都不是做千金小姐的材料……

Rowena（家庭版記者）

同朋友A睇音樂劇，演出後設座談會，黑衣大嬸搶先投訴，講嘅都係個「錢」字：「我由屋企出嚟畀錢搭車同晚飯，仲要畀成幾百蚊（睇劇），睇完我都冇嘢落袋……」接着自稱搞過話劇嘅中年男人再踩多幾腳，兩人鬧足全場。其實部劇內容諷刺時弊、抵死搞笑；或者咁講，有時藝術係意象表達，唔係下下要講到明。黑衣大嬸似乎太「現實」主義，認為付出一定要有實質回報，而中年男人則似踩場多過交流！突然諗起鄒凱光响電台節目中講過：「睇劇場最好唔帶住任何期望入場，你會發現得着更多。」