長跑季節搵Apps陪練

一年一度的馬拉松將於明年2月5日舉行，名額預咗好快爆滿，有心跑的話報名請早！如已報名，就要開始長跑訓練。不論跑全馬、半馬抑或十公里，如記錄低自己的表現，就可因應狀態調整訓練，想跑出佳績就事半功倍。呢方面，iPhone Apps又幫到手，要練跑的你不妨留意吓邊個合用。

《Runtastic PRO GPS Running，Jogging and Fitnesscoach》提你要熱身

做運動之前一定要熱身，這個App特別之處在於可以設定熱身時間。按Start之後，佢會先按熱身時間倒數，之後先開始正式計算你的跑步時間。跑步時你更可以結合電話的iPod功能播歌，跑得耐都唔怕悶。跑完之後，又可以睇番跑步的路線，消耗了多少卡路里、以及每公里的均速等等資料，非常詳細。

下載費用︰US$5.99

這個App使用「Medical Pulse Oximeters」原理，幫你監察心跳情況。佢會自動打開iPhone 4的閃光燈，提示你將手指放到後置鏡頭上輕輕壓住；跟住此App就會幫你檢測心率，聽到嗶嗶聲後放開，便會顯示心率曲線圖。可以隨時隨地Check住心跳都唔錯，做運動至啱。

下載費用︰US$0.99

練跑之餘加入遊戲元素又如何？這個App除具備一般記錄跑步路線、距離等數據外，仲支援GameCenter。你的跑步記錄，可以透過個App發放到GameCenter，與世界各地的跑手比併一番。而且你還可在跑步過程中得到獎勵積分，重複練習更可累積經驗值，身體力行「升呢」，分外有成功感。

下載費用︰US$0.99

練跑只知道自己跑了幾遠，其實不足以評估當時的狀態，唔捨得花錢買App而又想記錄多些資料，呢個至啱。雖然免費，但就冇偷工減料，運動類型、時間、距離、平均速度、路線等資訊都有齊。另外更有網上資料庫，註冊了個人資料後，練跑的記錄便能備份上網。

下載費用︰免費

萬一最後都係抽唔到身練跑，都可以試玩這個人稱「史上最難」的跑步Game。玩這遊戲，就能深切體驗跑得快絕非易事。玩家要用兩Set虛擬按鍵控制左右腳的擺動，並且使用G-sensor來調整跑者的重心，要咁多方面配合，才可以成功跑出一步！聽到都覺得難，想跑到終點，跟日日真身練跑一樣難！

下載費用︰US$0.99

David