SanDisk儲足100年

記憶卡同外置硬碟愈出愈平，但為咗貪平而損失重要的資料就得不償失。SanDisk儲存媒體價錢唔平，但論速度、穩定性就屬頂級類別。近期佢就推出了多款新型儲存產品，既有寫入速度達到90MB/s的Extreme Pro SDXC卡，亦有可將相片、影片儲存100年的Memory Vault數碼相簿，花多少少錢買份保障都係值得嘅！

專業64GB SDXC卡寫入速度90MB/s

專業相機都開始轉用SD卡，所以一張高速兼大容量的SDXC卡就比較實際。SanDisk新出的64GB Extreme Pro SDXC UHS-I記憶卡，建基於最新3.0 UHS規格，寫入速度可達每秒90MB，即使開動連拍模式影RAW，亦唔怕記憶卡速度跟唔上。至於在讀取速度方面則可達每秒95MB，過相速度比其他SDXC快一倍，至啱靠影相搵食的用家。至於近期都有輕巧數碼相機採用的microSD卡，SanDisk也有新產品推出，名為64GB Mobile Ultra microSDXC，傳輸速度可達每秒30MB，達Class 6效能表現，夠拍埋全高清片。

SanDisk Memory Vault保護性強

單看SanDisk Memory Vault金屬盒造型，都睇得出產品強調的保護性。雖然容量只提供8GB和16GB兩種選擇，可存放的數碼相片或影片並未算太多，但產品最大優勢係唔似CD或DVD碟咁容易刮花，又唔似硬碟機有移動組件容易損壞，而且經官方測試，Memory Vault可以保存到數碼相片及影片達100年之久，幾珍貴的相片及影片都可以儲得起，但只怕100年後仲有冇USB可以接上Memory Vault。

SanDisk Ultra SSD讀取速度最快

為手提電腦升級其中一個方案就是換上SSD，提升儲存效能，令整體操作更快，而新款SanDisk Ultra SSD相比其他同類型SATA II SSD，隨機讀取速度明顯較快，最強可達每秒3GB，至於連續讀取及寫入速度則最高可達每秒280MB及270MB。此外平均故障間隔時間為100萬小時，咁就用得放心。

網址：www.sandisk.hk