地道特產煮出大嶼山風味
工作忙得很，每當感到透不過氣來的時候，我總愛找個周日，到大嶼山閒逛兼搵食，享受片刻寧靜，暫時遠離煩囂。然而，最近連丁點時間也騰不出來，可幸我發現東涌的諾富特東薈城酒店Essence正推出「嶼」港風情自助晚餐，以大嶼山盛產的食材加上大廚的創意，炮製出多款傳統風味，甚至中西合璧的Fusion菜，好讓我可以美食紓壓。
從小到大，小記都獨愛大嶼山，以前爸爸總愛在假日帶我到此閒逛拍照，回程前還會買點蝦醬、蝦乾、鹹魚、紫貝天葵等特產。今次Essence推出的這個「嶼」港風情自助晚餐，亦選來島上多種特產，做出傳統風味的家常紫菜肉碎豆腐湯、即撞山水豆腐花等，更有不少中西Fusion菜式，如紅燒豉椒鹹魚炒蟹、辣椒蝦醬燒排骨和紫貝天葵芝士餅等，今次一於請父親大人來一嘗懷舊鄉土滋味與新派融合的新菜式。
日期︰即日起至11月30日
時間︰6:30pm-9:30pm
收費︰成人$198、小童$148（星期一至五）
成人$208、小童$158（星期六、日及公眾假期）
查詢：3602 8808
*另加一服務費
紅燒豉椒鹹魚炒蟹
超特別的配搭，鹹魚蒸熟後拆肉，加入豆豉、辣椒與紅蟹炒香，鹹鮮辣兼備，正！
香辣涼拌海蜇青瓜海參沙律
帶點微辛的開胃頭盤，既爽脆又彈牙，夠晒清新。
花膠海鮮周打濃湯
周打濃湯加入了花膠、帶子、蜆肉等，充滿骨膠原，一於飲多兩啖補番吓！
紫貝天葵芝士餅
具清熱解毒功效的紫貝天葵，融入芝士餅中，軟滑而帶酸甜，味道出奇地夾。
瑤柱海鮮湯浸海蝦
肉質結實的本地海蝦，以瑤柱和鮮魚熬成的海鮮湯浸熟，鮮味滿瀉。
嫩煎紅鯛魚配蝦乾檸檬牛油汁
3至4公斤重紅鯛魚以慢火煎香，配以白酒煮的蝦乾，伴以檸檬牛油汁，鮮味十足。