ChatRoom

家庭版 記者Rowena

已經好耐冇買過CD喇！早排買咗Hanjin新碟《誰是陳奐仁》，我最鍾意其中的《一座鋼琴、一把木吉他、一把電吉他》，雖然係純音樂，但能夠畀到聽眾思想空間，喺冇文字指向下，感受作品以及創作人嘅心思。呢排我返工放工都聽住，感覺幾舒服，事關响佢嘅音樂中，可體現一個人嘅成功，除咗本身有能力外，仲要有一份堅持，目標固然重要，但完成嘅決心、精神、毅力同信念才是關鍵。之所以人哋成功，小妹就失敗喇！

家庭版 記者Sammie

做記者對文字的敏感度有番咁上下，平日都經常捉朋友講錯嘢、寫錯字，成為捉字蝨之王在所難免。早前千里迢迢去長洲郊遊，都「最緊要正字」搵到錯字喎，留意相中「高質數教室」，真係令人大惑不解，究竟指的是「高質素」抑或是「高質量的數學教室」呢？之但係，細看它的「驚人」成績，其實應該是一間英語補習的教室吧？實情真的不得而知，因為當日這間教室沒有開門呢！