最細iPad喇叭 打孖充電

無論係iPod、iPhone定係iPad喇叭，都屬同一類型專為Apple流動裝置而設的喇叭組合，當中以取得官方認證的產品質素較有保證。正如新推出的LRT iHome iD37，是目前全港體積最細、而又獲Apple官方認證的iPad喇叭，本身已是一項賣點，再加上功能加碼推出，設有雙充電介面，兼能對應Internet Radio，放在床頭可當鬧鐘用。

另設USB介面為iPhone充電

這部iHome iD37有幾細？機身橫幅比iPhone 4都只係闊少少，當插入iPad 2時更有頭重尾輕嘅錯覺，而且機身體積僅有114×152×154mm，放在床頭亦唔阻地方，難怪係目前同級中最細嘅產品。iPad 2的用家都會發現需要較長時間充電，如果多一部iPhone或iPod要充電就幾麻煩。iHome iD37有個好用嘅設計，就係除可用上機身上的Dock接上iPad、iPhone及iPod聽歌兼充電外，機側設有另一個USB介面，用上USB線就可以為多一部iPhone或iPod充電，啱晒一眾蘋果教徒。

音質表現比預期理想

從的骰機身以及價錢定位來看，似乎好難預期iD37音質會有多好。筆者原本都循這個先入為主概念看待iD37，一插上iPod試機，雖然難跟名牌iPod喇叭相提並論，但至少高中低音表現分明，一對設於機側並向旁邊發聲的喇叭都能營造出唔錯嘅空間感，數碼失真仍唔嚴重，比預期中理想。查實iD37跟以往較大部嘅iHome喇叭一樣沿用Reson8單元設計，能輸出具質量的高低音。音質以外，iD37還提供到近期備受重視嘅網上電台頻道，只要為iPhone或iPad購買《iHome + Radio》App，就可以任聽全球超過30,000條網上頻道，而這個App的下載價錢亦只需US$1.99。

同步時間響鬧免遲到

如果想玩得更Free，可以裝埋另一個免費iOS App《iHome + Sleep》，可用上iPhone或iPad以全畫面控制響鬧時間或查看天氣及新聞，更能啟動內置嘅睡眠管理統計，以提升睡眠質素。講開響鬧時間，iD37除可以設定單日響鬧時間之外，仲另設兩組獨立響鬧時間，用到喇叭內置音效及FM收音機響鬧外，當接上iPad、iPhone或iPod時，更可用上機內的Playlist作為響鬧鈴聲，一起身就可聽到Favorite Song啦！但係iPad、iPhone嘅時間可能會跟iD37有出入，搞到機身響遲幾分鐘而令返工遲到就難搞了，好在iD37機身特別設有「同步時間」掣，長按幾秒即可與iPad、iPhone同步時間，功能確係幾全面。

補品Apps

iHome + Radio

此iOS App可任聽全球超過30,000個網上電台。

下載費用：US$1.99

iHome + Sleep

可全畫面控制響鬧時間同查看天氣等訊息。

下載費用：免費

查詢：2395 3913