一家團圓豪食過中秋
9月，有一小撮人好心煩。無他，9月既是小朋友開學的大日子，又是人月兩團圓的中秋佳節，單單買月餅送禮就把人忙得團團轉，若然團圓飯還要親自下廚，你都咪話唔煩。還是上館子為妙，其中九龍酒店的龍逸軒今年亦有中秋節套餐，於9月9日至13日供應。
歎鮑魚食燕窩
曾被《香港最佳食府》評定為優良水平，加上有榮獲米芝蓮兩星的楊建業師傅坐鎮，龍逸軒的水準當然有睇頭。店子推出了兩款分別有9道菜的中秋套餐，矜貴用料包括養顏燕窩、花膠鮑參翅、足3斤的深海星斑、玻璃蝦球等，其中8頭鮮鮑，用上蠔汁花菇燜扣，咬落啖啖肉，食得滿足。店方更貼心地提供半席或一席供選擇，即使人少少都唔怕食唔晒。
花好月圓中秋套餐一（9道菜）
$2,999/6位、$5,888/12位
花好月圓中秋套餐二（9道菜）
$3,588/6位、$6,888/12位
查詢：2734 3722
碧綠八頭鮮鮑魚扣花菇
難得一家人食飯，食豪啲又點話！這道8頭鮮鮑魚，雖然未至於手掌咁大，但肉質豐厚，而且燜得軟腍入味，不錯！
秘製胡椒龍崗雞
店子的脆皮龍崗雞向來受歡迎，用上秘製胡椒炮製，多了一份辛辣感，但雞味依舊濃郁。
雲腿片玻璃蝦球
蝦球爽滑彈牙，配上帶點蜜餞味道的雲腿片，更能帶出蝦鮮味，難怪能成為餐廳招牌作。
鮮蟹肉咖喱炒飯
這道炒飯用上鮮拆蟹肉，粒粒分明，且十分惹味，只是蟹肉的鮮甜被咖喱的濃味蓋過，有點美中不足。