平價搶攻高質海產

我們的嘴巴都被寵壞了，海產要吃最新鮮肥美的，而且品種必須矜貴難求，還要價錢抵到爛，這樣的要求，相信只有在美食博覽展期內方可滿足到。今年食博特大油甘魚、鮮甜帶子、丹麥野生甜蝦、藍殼鮑魚等割價發售，但我的目光始終落在「打橫行」的各式靚蟹上，各位海鮮狂迷，齊齊出發搶攻啦！

心水靚蟹

今年最搶眼的海產，莫過於體形龐大的蟹族，皇帝蟹、阿拉斯加大紅蟹腳、松葉蟹等隻隻都有睇頭，而且價錢幾百蚊有找。4磅重的特特大皇帝蟹每隻只需$360，而北海道毛蟹和松葉蟹，每隻更低於$200，各位蟹癡當然要買幾隻返屋企先對得住自己啦！

熟松葉蟹 $100

來自俄羅斯的松葉蟹，約重500克，身長約30cm，甚有睇頭。且解凍後便可食用，鮮甜蟹肉令人回味無窮。

攤位編號：1B-A07、09、11

珍寶阿拉斯加大紅蟹腳 $280/500g

食蟹最怕就是拆殼環節，而這款加加大碼的皇帝蟹腳隻隻粗身，長約50cm，拿回家只需解凍，便可拎住蟹腳慢慢歎！

攤位編號：1B-A07、09、11

熟毛蟹　$160

毛蟹體形雖然細小，但肉質鮮嫩，濃郁蟹膏更是其賣點之一。而這款北海道毛蟹解凍後便可食用，毋須多費工夫處理，適合一眾繁忙的都市人。

攤位編號：1B-A07、09、11

和味刺身

刺身向來受港人歡迎，今年不少參展商看準時機，推出各款高質素海鮮刺身，款款都鮮甜肥美，最重要的是價錢相當實惠，絕對適合識飲識食、又精打細算的你！

北海道4S帶子刺身 $298/kg

來自北海道的帶子，味道鮮甜，每一隻都足足有一吋厚，會場價更比市面平近5成，買回家做個刺身拼盤至好不過！

攤位編號：1A-E24

牡丹蝦刺身

原隻連殼的生牡丹蝦，珍寶碼1kg約有16至20隻，加大碼則有20至24隻，味道也算鮮甜。

攤位編號：1B-A07、09、11

象拔蚌刺身$120/250g

冰鮮的象拔蚌刺身確實少見，這款不連殼的象拔蚌肉，一解凍便可作刺身用，質感爽甜。參展商每天只售50包，各位要買就要趁早喇！

攤位編號：1B-A07、09、11

同場加映

抵買套餐　$294/Set

每次入場，又怎少得一個又一個的特惠套餐？今年會場內的海鮮套餐雖然不算太多，但勝在夠抵！當中包括以特惠價$294，便可購買九州特大油甘魚刺身、阿根廷野生赤蝦刺身8隻和丹麥野生甜蝦，再額外多送新西蘭藍殼鮑魚和北海道野生昆布。套餐三百大元有找，單是戰利品已足以拎到手軟！

攤位編號：1A-E24