原隻靚鮑免費歎

通脹令人人叫苦，分分鐘要等到過時過節或者有喜慶事先可以食餐好。但去到美食博覽就可以超筍價$1買到鮑魚、海蝦、燕窩、海參等矜貴美食，真係諗起都流晒口水！不過最震撼都係名牌海味店預備咗1,000隻一級溏心鮑魚畀大家免費歎，仲唔快啲入場排隊？

千隻鮑魚等你試

$1筍貨年年有，雖非新奇事，但今年通脹猛於虎，這些優惠更見珍貴。睇勻全場，梗係唔使錢最抵！安記海味就於今日免費派1,000隻即食溏心鮑魚，畀大家慢慢歎；至於恒興行，亦有試食價$1南非鮑魚，每日限量100隻。想要養顏滋補，去位元堂用$1就可買到紅棗燕窩飲品，又或是鮑汁花菇燴海參，一樣咁滋陰！

安記海味請食鮑魚

無懼通脹，安記老闆潘權輝繼續派免費鮑魚，首日將派出1,000隻，炆至溏心勁入味，值得排隊食！

攤位編號：1B-B14

$1必入筍貨

位元堂鮑汁花菇燴海參（每日限量50份，售完即止）

海參、花菇爽滑，用鮑汁炆煮，特別惹味，零味精食得健康，加餸一流！

攤位編號：3G-A10

位元堂紅棗燕窩（每日限量50份，售完即止）

想滋補養顏，當然係食燕窩！加入紅棗更有補血功效，女士們掃貨啦！

攤位編號：3G-A10

恒興行25頭南非鮑魚（每日限量100隻）

來自南非的鮑魚，鮑味香濃，入口爽滑，不錯。

攤位編號：1B-C24

鴻星蠔皇細鮑魚 加$1多一隻

以蠔皇烹調的鮑魚，煙韌夠入味，$99/3隻，加$1即可多一隻，最啱同朋友分享！

攤位編號：1E-C08

惠康海捕白蝦（每日限量100盒）

印尼白蝦肉質細嫩，好多餐廳都採用，想在家炮製好菜，必掃！

攤位編號：3F-F01

抵食推介

即食爽口海蜇絲 $9/包

安記海味出品，內附調味包及麻油，撈勻即食，做小食最好！

攤位編號：1B-B14

J's Gourmet方便湯包 $100/3包

由德國米芝蓮三星廚師主理的靚湯，一套有齊黑松露菌甜薯湯、牛肝菌忌廉湯、烤番茄湯，易煮好飲，抵買！

攤位編號：1B-E12

晚市「着數」特區

去年首度登場，反應熱烈，今年繼續益市民！特區設於展覽廳3G，會在即日至8月14日，晚上7至10時開放，有近60個展商參加，貨品全部最少半價，可謂超級優惠。除美食外，更有廚具、刀具發售，有心掃貨必到。

新台場厚毅杯裝果凍 $10/杯

以新鮮水果和牛奶炮製，加入珍珠更美味，夏天食最消暑！

攤位編號：3G-G31

官燕棧極品參蜜官燕 $50/2樽

燕窩養顏滋補，加入參蜜更清潤，買多幾樽全家一齊食！

攤位編號：3G-G36