水着麥嘜 賣腩肉

持續高溫，熱到爆燈，難怪一眾o靚模都比堅尼上陣，更厲害的是些少豬腩肉都冇，認真夠索！不過，從來大無畏的麥嘜與麥兜，就換上西瓜波泳褲及粵語片時代的藍白間條水着，走到商場大「賣肉」，跟大家玩遊戲。

作為政府宣傳短片「保持泳池清潔」大使，麥嘜與麥兜今次不再高唱「阿媽教落有豬腩肉就游多幾游」，反而拉埋好朋友阿輝和菇時，齊齊換上泳裝，游到置富Malls旗下八大商場，跟大家大玩遊戲。

任攬任影

別看麥嘜與麥兜泳裝老老土土，其實它們人見人愛，今次化身大型水着擺設，讓你任攬任影，傻裏傻氣的小肥肥，親民程度高過一眾寸嘴o靚模，商場特別設計以它倆為主題的互動遊戲如「麥嘜麥兜水中作戰」、「麥嘜麥兜拼貼至多FUN」及「麥嘜麥兜人物逐個捉」，有機會贏取豐富禮品，而跟麥兜一樣人氣爆燈的新人王林欣彤（Meg）更會到場擔任商場舉行「置WARM家庭爭霸戰」評判及嘉賓，跟大家共度炎夏，別忘了還有各種麥嘜精美禮品送給大家，還不趕快換上泳裝，跟麥嘜仲夏「游」？

合照鬥多人Like

大家跟水着麥嘜合照時記住擺個靚甫，只要成為置富Malls fb粉絲，並將相片Upload，每階段首50位朋友，可獲贈麥嘜保溫杯或麥嘜飯盒乙個，得到最多人Like的首3名參加者，更可額外獲得禮品乙份，快啲做甫士王啦！

網址：

www.facebook.com/fortunemalls

置富Malls×麥嘜仲夏「游」

日期：即日至8月28日

   （各活動詳情請向商場查詢）

地點：馬鞍山廣場、都會駅及置富第一城

查詢：2169 0928

學生睇戲有着數

暑假檔期勁多猛片，學生哥自然趁住放假睇好戲，由即日至8月31日到UA東薈城出示有效學生證，即可享有精彩優惠價$35，欣賞多部暑期電影，大家趕快約埋三五知己齊齊睇好戲啦！

日期：即日至8月31日

地點：東薈城

查詢：2109 2933

消費$100贏相機

暑氣急升，刺激消費，旺角電腦中心推出「Summer大激賞」激筍優惠，每日送出過千元禮品，大家只要於場內消費滿$100，即可參加抽獎，獎品包括Olympus E-P3數碼相機、iPad2 Wifi 16GB、Samsung Galaxy SII I9100等，啱晒數碼達人。

日期：即日至8月31日

地點：旺角電腦中心

查詢：2302 0858

跟海綿寶寶遊海底

平時睇電視，成日聽唔明海綿寶寶講乜，不過，最近它來到商場讓大家親近親近，更帶領大家探索本港海域，了解水域生態、海洋生物及漁業發展，大家仲有機會跟它在海底情景前拍照，以及免費獲贈海綿寶寶氣球，數量有限o架！

日期及地點：

8月20及21日

（海悅豪園購物商場）

8月28及29日

（帝庭軒購物商場）

查詢：2450 7782

$500掃三支名牌香水

新蒲崗將舉行「名牌化妝品/護膚品暑期開倉大傾銷」，全場貨品低至一折起，場內產品包括多個國際知名品牌，如SK-II、Dior、ESTEE LAUDER等，其中名牌香水更是$500任揀3件，護膚品則低至$500任揀4件，講明要錢唔要貨，賣完即止，女士們仲唔起行？

日期：即日至8月6日

時間：10:30am-7:00pm （星期六至5:00pm）

地點：新蒲崗新科技廣場5樓

查詢：8228 2820

備註：只收現金

向海洋呼喚愛

珍貴的海洋生物買少見少，未來10年藍鰭吞拿、鯊魚將會絕種……是次比賽正要喚起大家保育海洋的意識。只要用相機拍下「愛SEA」相片，參加「Electrolux 伊萊克斯．愛SEA相」攝影比賽，便有機會贏取雙人沙巴4日3夜旅遊套票（總值$10,000）及伊萊克斯Egrorapido環保二合一吸塵機（價值$1,588），快啲參加啦！

截止日期：8月8日

網址：

www.facebook.com/ElectroluxHongKong