《美少女時計》真人發聲叫醒你

追星族梗係想日日夜夜對住夢中情人，如果對方可以朝朝叫自己起身就更爽！新App《美少女時計》絕對係宅男嘅心水之選，除咗本身有唔同美少女為大家報時外，最近仲追加人氣偶像AKB48成員，粉絲們實一叫就醒啦！

追加AKB48成員

時計即係時鐘的日文漢字寫法，所以《美少女時計》的意思即是由美少女為大家報時，App內收錄了多位日本美少女穿着可愛的制服及校服，拎起報時牌為大家報時，每分鐘 按入去都可以見到唔同「甫士」兼唔同的美少女，就算你當時好眼瞓，精神都會即時為之一振。出演的美少女都相當省鏡，包括有小池唯、前田希美、黑田瑞貴、志田友美同最有名嘅AKB48成員內田真由美等，全部青春可人，認真養眼。

儲齊相睇特典影片

當然下載得這個App的朋友，唔多唔少都有少少「宅」，與其淨係睇美少女相，倒不如聽埋真人發聲。《美少女時計》加入鬧鐘功能，由美少女真人發聲叫你起身，但聽完之後大家仲點會唔願起身呢！報時以分鐘作為單位，一日就有1,440分鐘，如果你不斷地玩兼儲齊這1,440張靚女相後，仲可以睇埋特典影片，但筆者自問冇呢個耐性儲齊一套，但間唔中睇吓靚女醒一醒神都OK嘅！

平台：Android

費用：HK$33.97