夏日水果鬥一番

某天，在嘈雜擠擁的果欄內，來自世界各地的水果探出頭來，七嘴八舌。

紅心番石榴：「我香味好出眾o架！肉質實淨又有營養，揀我揀我！」

Alphonso杧果：「香有咩用呀？我身為印度杧果之王，全身散發天然甜香，咬落去仲啖啖肉、飽滿多汁，梗係揀我啦！」

樹番茄：「雖然我無咩香味，但卻有驚喜，叫得番茄都知我屬茄科，但味道就同番茄差天共地，唔單止Body結實，仲酸酸咪咪，好開胃o架！」

Envy蘋果：「你哋唔使爭，論特別，我嘅味道最香甜，濃郁又爽脆，切開後，果肉不易現銹色，唔使諗都知會揀我啦！Do not envy. It's show！」

Envy蘋果

產　地：新西蘭

價　錢：$10.8/個（a）

特　徵：香味濃郁，咬下去超爽脆，甜度高，切開後，比一般蘋果更能抗氧化，「變黃」的速度較慢。

當造期： 6月至7月

揀手貨：看上去表皮光澤紅潤。

備　註：全港只得84箱，每箱約80個。

紅心番石榴

產　地：台灣

價　錢：$20/磅（b）

特　徵：肉質較硬實，但香味更清新，切開呈粉紅色，富有天然茄紅素，營養更加豐富。

當造期：6月至10月

揀手貨：表面滑身，按下去很實淨。

黑鑽石蓮霧

產　地：台灣

價　錢：$45/4個（b）

特　徵：果肉飽滿，甜脆多汁，咬下去很清新爽口。

當造期：4月至10月

揀手貨：顏色深會更甜，拿上手重身代表水分多。

扁桃

產　地：美國

價　錢：$38/2個（b）

特　徵：質感較滑身，水分多又濃甜。

當造期：6月至9月

揀手貨：按下去不要太腍，表面要顏色均勻。

玉女番茄

產　地：台灣

價　錢：$68/磅（b）

特　徵：皮薄很脆身，咬下肉汁爆射，味道超甜，據說甜度高達12度，沒有番茄的青澀味。

當造期：每年11月至翌年5月

揀手貨：圓潤而且表皮完整沒有裂開。

紅水晶梨

產　地：新西蘭

價　錢：$15.9/個（a）

特　徵：驟眼看分不出是蘋果還是梨，但吃下去質感細膩，清爽甜度高，水分更多，很解渴。

當造期：6月至7月

揀手貨：表面有光澤，顏色則帶紅潤。

樹番茄

產　地：新西蘭

價　錢：$18/個（b）

特　徵：肉質實中帶點腍滑，不妨用匙羹舀果肉連核吃，味道酸甜，似足熱情果，維他命C比奇異果更高！

當造期：5月至8月

揀手貨：帶深紫色，表面光滑無痕迹。

Alphonso杧果

產　地：印度

價　錢：$20/個（b）

特　徵：豐腴多汁又飽滿，每口都濃郁香甜，清而不膩。

當造期：4月至7月

揀手貨：聞落夠香，皺皮帶少少斑點，尾部有點黏液肯定甜。

四方西瓜

產　地：台灣

價　錢：$1,200-$1,500/個（b）

特　徵：可分食用及非食用，前者味道帶甜多汁；後者可落訂要求印字，肉質淡而硬，一般只作觀賞作用。

當造期：4月至6月

揀手貨：果皮光滑翠綠，圓滿豐潤。

金鑽干腰榴槤

產　地：泰國

價　錢：$25/磅（a）

特　徵：甜度高，肉質細緻入口Creamy。

當造期：4月至7月

揀手貨：表皮呈淡黃或金黃色，果瓣飽滿肥厚而且氣味濃。

2011 Best Pick

來到夏季，又是各式熱帶水果豐收的時節，平時去到街市，必問：「今年有咩靚水果？有冇新產品呀？」遇着好人事又識貨的店員當然冇問題，但我就不時被「搵笨」，一於從永富及Market Place by Jason嚴選今年10大必試水果，更請來水果達人輝哥教你揀靚貨，做足功課就唔怕買錯啦！

全城水果瘋傳

買完水果回家，來來去去都係洗乾淨切開連皮食，就算再香甜爽脆肉厚多汁又點？食得多都厭啦！小記最近就收到風，大量當造水果靜雞雞潛入城中餐廳、酒吧，唔通成班友仔打算造反？

非也！原來班水果怕我哋悶，專誠向富豪金殿、沙田18、The Waterfall Bar的大廚和調酒師求救，希望以新形象示人，齊齊變身巧手中菜、精緻甜品和醉人雞尾酒，誓要重拾大家歡心咁話！