甜入心雪茄
曾經有段時間，每逢朋友生日都一定見到某連鎖餅店出品的倒模式蛋糕，每次我都不禁想：「有冇再悶啲呀？」所以，我講過，若我要買蛋糕送人，一定要送最特別的。最近，小記一向鍾情的Carousel Fine Cake & Pastries，於父親節有新搞作，餅廚東師傅為偉大的父親們設計了一系列造型別致的蛋糕，有煲呔、小酒樽，甚至雪茄盒模樣等，前者小小的白恤衫加上黑色小煲呔蛋糕，內藏着焦糖味南瓜子，口感十足；至於幾可亂真的雪茄盒，則內有幼滑芝麻朱古力蛋糕，濃滑的朱古力混合粒粒香脆芝麻，層次感豐富。三款立體蛋糕都咁特別，你話送邊款畀老爸好呢？
查詢：2895 0299
雪茄盒芝麻朱古力蛋糕 $420/1磅半
充滿玩味的雪茄盒內是芝麻朱古力蛋糕，打開盒蓋，內有幾支朱古力雪茄，No.1爸爸見到一定笑逐顏開。