《機戰破界篇》返大貨限定版更抵買
呢期Game場冇晒日版大作撐場，只得零星歐美作品推出，實在冷清咗唔少。之前日版大作最紅的莫過於《真．三國無雙6》，無論日版、台版，甚至中文版賣到$700都依然有交易，不過當《機戰破界篇》如期推出後，情況即時大逆轉。原本截定單前，好多舖頭都已經話唔收限定版訂貨，點知大貨上星期三一到，竟然係限定版貨源比普通版充足，普通版一般賣緊六百幾蚊，同限定版只係相差一百蚊左右，相當抵玩。再加上限定版會跟多一個收藏套同一本設定資料集，方便連同下集一併收納，相信Fans們一定識得點揀！
