ChatRoom

marcovaldo

一個城市／國家的包容度有幾高，可以從她們對待藝術的態度得知。記得去年丹麥將「國寶」美人魚像運到上海世博展覽，今年輪到新加坡發功。為配合藝術雙年展活動，首肯日籍藝術家將國家標記魚尾獅Merlion「融入」臨時搭建的魚尾獅酒店，有幸被抽中入住的房客更可以一整晚對住國寶入睡，真係有今生冇來世。房間寬敞、冷氣充足，只欠電視及上網，還附送無敵海景跟一大截獅頭；不過就算好似小記這類觀光客冇得住，都好值得Walk-in入去參觀吓影吓相，在香港應該冇機會接觸到這種「藝術」吧！

波仔

近期的一齣3D情色電影成為了大家茶餘飯後的話題，但小記對於3D片真係無甚興趣，至今只睇過《阿凡達》。不過呢個唔係重點，反而最吸引小記的，是旅遊淡季下，出現了不少又平又抵玩的短線團，當中以陽光與海灘作招徠的台南同泰國，絕對係首選，希望過埋復活節同黃金周檔期，可以同三五知己組織番個玩得Free啲又有得四圍蒲嘅旅行團啦！

Vincent

NBA季後賽終於開戰，當中不乏灰熊、黃蜂、鷹隊等隊伍爆冷贏波，不過最令小記印象深刻的是公牛對溜馬一役。溜馬各球員在作客芝加哥聯合中心的情況下打出超水準，全場一直領先公牛，有時得分更拋離達雙位數；可惜比賽最後兩分鐘被戴歷羅斯（Derrick Rose）以高速剷籃頻頻得分，最終以5分之微被擊敗，非常可惜。其實，今年羅斯的進步極大，更在休季期間苦練三分球，加上天賦的速度、彈跳力，實在難以防守，相信常規賽MVP已是他的囊中物，且看他可不可以帶領球隊殺入東岸決賽。