Chat Room

師傅仔

食飯飲酒好平常，但一餐飯竟然飲了9種酒都算破紀錄！早前去了一個名酒拍賣會兼晚宴，餐廳預備了多款菜式、佳釀，等大家邊食邊飲，難得平日只愛白酒的我，都開懷暢飲紅酒，幸好酒質甚佳，味道細緻平衡，連飲多杯都沒有頭痛。食飯時，更可透過視像，跟新加坡、意大利等地同時間舉行拍賣，都算大開眼界。

陳小皮

最近看了一套電視劇，其中一幕講到食評家到餐廳用膳，「名嘴」到來，店方即如驚弓之鳥，事先買定靚食材、大廚精心烹調、侍應服務至上。起初我也覺得誇張，但前幾日為了幫家姐慶祝生日而幫襯屋企附近新開張的越南餐廳，食物的水準比我初次作訪問時差太多，分量細咗、味道求其咗，令本來開心的日子添上遺憾。到底是因為以記者身份來訪得到優待，還是店子維持不了水準？而我相信，答案是前者。

S.man

帶子乾、Wasabi餅仔、雞泡魚乾等都是港人遊日的必買手信，見有利可圖，本地商人紛紛推出類近貨色，然而質素始終不及東瀛貨，其中「白之戀人」更加係點扮都唔似。這被我視為人間美食之一的甜點，售價一點不便宜，收到都會留畀自己慢慢歎，不過上星期當收到哥哥送來的24件裝時，我沒有獨食，反而分給了身邊的同事們，希望在這世界大混亂、氣候大逆轉之時，為大家帶來「苦中一點甜」。