股民心水手機 Incredible S即時股票報價

股票價格可升可跌，睇少陣都隨時唔見幾個價位，想掌握最新市場消息？用手機Check股價係最佳辦法！最近數碼通就喺獨家發售嘅HTC Incredible S內加入港股報價功能，按個掣就睇到即時股價；配合新聞、天氣、旅遊等Shortcuts，任何資訊也能一手掌握！

每次查閱收費$0.8

Android Market也有不少程式查閱股價，但當中以試用版居多，就算係正式版，都只能睇到延遲15分鐘嘅股票價格，錯失先機！數碼通為Incredible S加入嘅「Live HK Stock Quote」Widget就唔同，用戶只要輸入股票號碼，就能睇到即時股票價格，而且輸入後系統會將它加入到股票組合內，下次打開程式就會自動顯示，毋須重新輸入股票編號咁麻煩！惟留意現階段只有英文版提供，而且每次查閱都需要$0.8服務費，經常使用的話都幾襟計！

Apps分類儲存

除了查詢股價外，數碼通還為Incredible S進行了多項優化，例如在7頁式介面預載新聞頭條、天氣、購物及旅遊等網頁Shortcuts，用戶一按便能知道天下事。它還破天荒為Android系統加入「檔案夾」功能，用戶可把不同嘅Apps歸類到「生活娛樂」、「財經」、「體育博彩」及「工具」四大檔案夾內，方便程度不比iPhone遜色。多媒體方面，新加入了「My Slide Show」及「My Gallery」功能，前者能以幻燈片形式播放四個相片集，後者則自動替多媒體檔案分類，以後聽歌、睇片自然更爽快！

查詢︰2281 8888