昆省Bugs 仆倒去食

最近有電視節目介紹澳洲的靚景美食，令人有衝動想買張機票飛去當地，可惜耗時又昂貴，$6,000仍未到手，還是乖乖留在香港吧！位於愉景灣的Roccos Steak and Seafood（下稱Roccos）就主打澳洲靚海鮮，連帶望住大海景的開揚露天位，差啲以為去咗黃金海岸！睇完，個個仆倒去食。

向來覺得愉景灣太遙遠，兼且開在這裏的餐廳都得個貴字，但自從東涌隧道通車後，方便度大增，更有不少食肆相繼進駐，就讓我們由Roccos開始，重新認識這裏呢！

罕見小龍蝦超爽

主打海鮮的新餐廳Roccos，裝潢簡潔幽雅，全落地大玻璃窗滲透着和暖陽光，店子更設有開揚露天位，讓客人感受一望無際的海景與涼風送爽。這裏選用的食材來自世界各地，但大部分是澳洲靚貨，當中最特別是盛產於澳洲昆士蘭省的Moreton Bay Bugs，這屬龍蝦的一種，但外貌上較扁平，又沒有兩隻大鉗，論肉質爽實帶濃郁鮮味，可惜香港鮮見有餐廳入貨，這裏的大廚將其拆肉後，先灼再燒後焗，惹味之餘，又能保持肉汁，口感極彈牙，配上8安士新西蘭靚牛柳組成海陸餐，收費只是$250，抵食！若不要Bay Bugs的話，大家亦可以大蝦代替，若然揀半隻波士頓龍蝦，價錢則按時價計算。

中西合璧Fusion菜

另外，這裏的牛扒同樣選用高級靚料：澳洲和牛、新西蘭牛柳、美國頂級黑安格斯牛，大部分以火山石燒香，帶來不同風味。

而在一室西式擺設下，原來隱藏着不少Fusion中菜，約佔餐牌中的4成，包括四川炸魷魚、泰式蟹餅、日式天婦羅等，當中的4吋厚燒腩肉煞是獨特，原件放在餐碟上，用刀叉品嘗，略帶搞鬼，吃下去絲毫不覺肥膩，因大廚先用高溫焗製，去掉部分油脂，再以慢火焗5小時令其保持肉汁，然後伴以五香粉與青蘋果汁調成的醬來吃，酸酸甜甜有助中和膩滯，比傳統的黃芥末醬更勝一籌，而脆皮腩肉入口鬆化，有油香又帶果香，由於做法繁複需時，所以每日亦只供應8至10份，唔想錯過，就要事先預訂了。

查詢：2997 8688