御宅耗子全方位談動漫玩

香港好受日本文化影響，大家玩玩具、打機、睇漫畫、煲劇統統都係「Made in Japan」，稍為沉迷都會畀人冠以「御宅」之名。不過喺台灣就有位以御宅族自居嘅Blogger，除咗全方位介紹動漫精品、模型合金，就連當紅日劇、即將上畫嘅特攝映畫，都會連同心得加以報料。講緊嘅就係累計人次已經超過219萬嘅《五字耗子的玩具觀察》，Blog主以「30歲前有恃無恐，30歲後自得其樂的從良中年」描述自己，相信佢已經喺御宅界橫行咗唔少日子。

動漫玩具日劇 有乜講乜

要睇《耗子》Blog其實一啲都唔難，因為耗子將分享內容已經清楚分類成唔同範疇，有專講「拉打」同戰隊嘅特攝類，也有講漫畫卡通，而且高達同超合金都係分開介紹，擺位一目了然。不過耗子並唔似平時報料專用嘅網站，所介紹嘅資料唔一定係最新最齊，只係耗子會在一個Topic上加上自己嘅小小評論，亦記載耗子點滴心情，所以佢個Blog相當人性化。小記最深刻嘅係，耗子有一次講日劇《萌菌物語》，就分享咗史上最臭嘅瑞典魚罐頭，強度比臭豆腐勁20倍，方圓500米嘅人中咗呢個臭味衝擊波就會必死無疑，搞到小記一邊睇一邊笑！

網址：http://tw.myblog.yahoo.com/howza-life