唔使拗手瓜 元朗平霸龍蝦

龍蝦等同矜貴，一間餐廳只要以龍蝦美饌作招徠，像被戴上光環般，「身價」升呢，指的是價格，並不和質素掛鈎。不過，小記最近發現元朗新開的Boston 1 Seafood & Grill，標榜五星級酒店水準及服務之餘，原隻波士頓龍蝦的價錢更比市區低，唔使格價拗手瓜咁辛苦，咬佢（龍蝦）嘅手瓜好過啦！

愈來愈多人聚居的元朗，高級食肆不斷湧現，最新的Boston 1 Seafood & Grill主打原隻波士頓龍蝦和炭燒扒，店內所有侍應、大廚均來自五星級酒店，無論服務及食物都有一定水準，可說是區內的一顆閃爍新星。　

原隻歎 300蚊有找

這裏的大廚、樓面全部從事五星級酒店業多年，眼見元朗的高級食肆不多，所以聯手開店。憑着過往經驗，加上有相熟供應商，店子選用的都是酒店級食材，包括來自不同國家的生蠔、法國睡蟹等，其中招牌菜波士頓龍蝦更是每天新鮮運到，大廚只揀選約一磅重的生猛靚貨，而為保持新鮮，平日只供應5至6隻，全部即叫即劏，烹調方法則十分多元化，愛香口的可揀炭燒；想吃鮮甜的，清蒸是不二之選；做法較繁複的傳統法式芝士焗，效果亦不錯，柯打後等約10分鐘就有得食，肉質啖啖鮮爽，價錢三百蚊有找，相比起市區的餐廳便宜得多。至於其他推介的龍蝦菜式，包括龍蝦沙律、龍蝦濃湯，前者用上半隻清蒸龍蝦加入雜菜及清甜金柚做成，作前菜最開胃；後者做法更刁鑽，大廚要先將10公斤的龍蝦頭及殼完全炒至乾身，再加入其他配料熬4小時，落足材料及心機，炮製出濃稠、鮮味的龍蝦湯。

80後掌廚 創新烹調

除了龍蝦菜式，炭燒扒亦不容忽視，餐廳只選用美國肉眼及西冷靚肉，以熱力更均勻的火山石燒香，並用上香草、洋葱粉等製成秘製調味，Juicy嫩滑的肉質味道帶獨特芳香。據說這裏的4位大廚均屬80後，但年輕不代表技術不足，反而多了一份創意及肯做肯捱，像店內所有的醬料都是自家製，不同醬汁會對應適當的食材，如帶膩的鵝肝配酸甜藍莓醬、三文魚帶子夾鮮橙油醋汁等，他們更會不時加入自家研究的獨特方法烹調，像烤法國鴨胸配油浸鴨髀肉燴意大利飯，便將法國鴨腿用鵝油以低溫浸4小時，做成自製油浸髀，之後拆肉與意大利飯同煮，煙韌飯粒中夾雜着濃郁鴨絲，再煎香豐腴的鴨胸鋪在飯面上，一鴨兩食夠創新。最後一提這裏的環境，舒適的裝潢，在幾盞別致吊燈映襯下，感覺高雅，加上食物優質，寫意度實在不比酒店級餐廳遜色。

文：C.C　攝：Kent　模特兒：Sherry