元朗半日遊 童心策騎樂

雖然香港常被人稱為石屎森林，其實新界唔少地方依然綠樹林蔭，仲有好多精彩嘅郊外活動添！今天，小記一於帶大家衝入元朗大棠荔枝園，在空氣清新的環境下，與小朋友體驗騎馬之樂，過一個心曠神怡嘅假期！

大棠荔枝園附設的騎術學校新增設「馬術入門半日營」，專誠為從未接觸過馬匹的朋友，提供基本的馬術相關知識，半日營共分為4個環節，包括馬術安全須知，馬房、用具介紹等，更有機會親身一試騎馬滋味，適合6歲或以上小朋友參加。

Step 1：安全講座

首15至20分鐘，工作人員會先講解各項騎馬的Dos & Don'ts，保障個人及馬匹安全，確保玩得安心。大家亦可認識到照顧馬匹用的工具，例如策騎時用的韁繩、清潔工具，甚至各種食糧。

Step 2：參觀馬房

所謂「入屋要叫人」，既然一場嚟到，當然要參觀吓一班馬仔嘅屋企─馬房啦！可以在此一睹馬匹的生活環境跟各項設備，且可以近距離觸摸馬仔，餵佢哋食嘢添！

Step 3：拖馬示範

接下來就是示範環節，工作人員即場講解，教大家如何拖馬。

Step 4：沙圈試騎

經過一大輪熱身工夫後，終於輪到最重要的環節─騎馬！在工作人員從旁輔助下，小朋友坐上馬背，在沙圈內繞場一周，初嘗騎馬的樂趣，好興奮！

馬術入門半日營

日期：逢星期二至日（需預約）

時間：10:00am-11:30am

費用：$90/位

主辦機構：大棠荔枝園騎術學校

查詢：2470 3638

衝入屯門睇騷

提起學騎術，怎可不提賽馬會轄下的屯門公眾騎術學校？學校平日免費開放予公眾參觀，並提供多項恒常策騎訓練，包括小組入門課程、私人或半私人教授課程、障礙賽、盛裝舞步賽訓練課程等。6歲以上的小朋友可考慮參加「小馬班」，循序漸進學習上馬、策馬步行等技巧，威風地馳騁沙場。此外，學校於每年5月亦會舉辦公眾開放日，精彩節目包括攤位遊戲、馬術表演、親親迷你小馬等，不容錯過！

小馬班

日期及時間：待定

對　　　象：6至14歲小朋友、體重105磅以下

費　　　用：$305/堂（45分鐘）

查　　　詢：2461 3338

註：學員上課時須自備個人策騎用品

公眾開放日

日期：5月（待定）

地點：屯門公眾騎術學校

費用：免費（個別項目需另收費）

查詢：2461 3338