Chat Room

飲食版 記者陳小皮

前陣子參加Great的新西蘭美食節開幕，我偶遇它。Whittaker's這個朱古力品牌在NZ已經有逾百年歷史，但最令我難忘的，並唔係佢有幾咁香醇，而係當我在凌晨時分獨自在NZ機場呆等，通宵抵禦寒冬、銀両又所剩無幾時，望着自動販賣機猶豫了10分鐘買唔買呢排只係價值NZ$2的朱古力。原來要記住一樣食物，並不在乎本身係咪超好食，關鍵反而係當時的環境與心情。為近日受地震影響的彼邦說句：God Bless NZ！

飲食版 記者師傅仔

我知我知，番茄煮熟咗會更有營養，但見到飽滿、鮮艷的有機番茄，就忍唔住要即刻食，無機會去煮啦。紅色番茄皮薄又香甜，好好食；黃色的就外皮較韌，亦唔算爆汁，不過食落都好清新。記得有次去跑馬地食素，大廚炮製了雜錦番茄沙律，連綠色、紫色的番茄都有，賣相靚、味道好，印象至今難忘。

飲食版 記者晴

上月同家姐慶祝生日，全家人去咗屯門的「容龍別墅」食海鮮。「容龍」呢個老字號果然名不虛傳，烹調技術確有一手，當晚最得我歡心的是蒜蓉膏蟹糯米飯，一向鍾意食糯米飯嘅我，覺得呢道菜簡直係神級！3隻膏蟹與超多蒜蓉同蒸，滲入糯米飯內，啖啖超強蟹膏香加蒜香，嘩，諗起都想再食！