《Zombie Cafe》全民喪食
喪屍咬人搞到全城恐慌！但《Zombie Cafe》就仲恐怖，因為呢間係非一般Cafe，老闆會炮製毒菜畀客人食，之後客人就會毒發變成喪屍，依家佢仲將嘅屍毒傳遍城市嘅重任交畀大家！
恐怖菜式 入侵店舖
其實《Zombie Cafe》係一隻餐廳模擬遊戲，玩家扮演老闆，營運呢間非一般Cafe，目的係要令全部客人都變成喪屍。不同菜式所需嘅烹調時間都唔同，好似最簡單嘅「神秘牛扒」製作過程只需要兩分鐘，客人食咗後，就有可能感染變成喪屍，成為你旗下嘅喪屍店員。如果你儲夠咁上下數目嘅喪屍，仲可以攻擊鄰近店舖，偷吓佢哋嘅食譜。當然唔少得裝飾吓你嘅舖頭，例如種吓花花草草，又或者加吓枱椅，咁就可以吸引同接待更多客人幫襯。
成店都係喪屍，睇吓幾壯觀。
喪屍Cafe嘅菜式當然唔嘢小，好似「Handburger」真係有成隻手做餡，好核突！
夠Level就可以攻擊地圖入面其他店舖，不過都有機會唔夠揪。
右上角有支萬能神奇毒藥，可以加快烹調時間之餘，仲可以幫喪屍店員增加體力。透過Add朋友即可獲得，或者上AppStore畀錢買，不過150 Toxin要成US$4.99，都幾貴。
