同沙皇睇齊　無限香檳Brunch

香檳一直是幽雅的象徵，輕柔細緻的味道帶少量氣泡，令不少名門望族為之鍾情。不過香檳都有分等級，要品嘗優質的香檳，一支索價幾百至數千元不等，想飲得盡興，Aqua推出的Brunch就可以任飲沙皇指定的香檳供應商Louis Roederer出產的Louis Roederer Brut Premier N.V，飲幾杯已經回本！

慵懶周日，瞓醒已經快到Lunch Time，不妨一試北京道一號的Aqua，其坐擁無敵大海景，單是這個靚View已經贏晒，加上可以任飲香檳及精緻意日美食任食的Infinity Brunch，此刻，真以為自己公主上身。

定期更換香檳

Louis Roederer是沙皇指定的香檳供應商，一款透明水晶瓶的Louis Roederer Cristal是享譽全球的皇室專屬香檳，或許我們未必有機會享用到這種極致酒品，但來到Aqua，我們卻可品嘗酒莊出品的另一款無年份香檳Louis Roederer Brut Premier N.V，品質亦有番咁上下。這款香檳糅合了清新口味與成熟葡萄酒醇厚豐腴的質感，入口順滑細膩，氣泡又夠多，味道層次極之豐富，邊飲邊幻想自己是皇室成員一分子，過癮哉！另外，餐廳會定期更換香檳款式，即使經常幫襯，亦滿有新鮮感。

專人奉上意日菜

食物方面，主打意、日菜的Aqua，分別有意大利籍及日籍大廚駐場，確保口味夠正宗，至於Brunch Menu的款式約有二十多種，包括選用歐洲及澳洲海產製作的精緻海鮮拼盤、每天從東京築地市場新鮮空運到港的鮮魚刺身壽司、自家製Pasta、熱盤主菜及甜品等，全部即叫即製再由侍應奉上，熱辣現煮，非一般自助餐的預先烹調。甫坐下，大廚便會選用當日最時令的刺身及壽司、意大利火腿等，因應人數做出淺嘗分量的拼盤，再來是鮮甜肥美的海鮮前菜，款式也不少，如法國生蠔、澳洲大蝦等。熱盤主菜則共12款，西式的有燒銀鱈魚、肉眼扒、煎鴨胸等；日式的有照燒三文魚、燒鰻魚飯及天婦羅，由中午12點開始食到3點半，邊吃邊欣賞海景，最後由大廚設計、賣相足以令人「嘩」一聲的甜品拼盤，為幾個鐘的貴族體驗作完美收結！

Infinity香檳早午餐

時間：12:00pm-3:30pm（逢星期日）

價錢：成人$588（包括任飲香檳）、

　　　$388（不包括香檳）；小童$188

查詢：3427 2288

*另加一服務費