Chat Room

Kiki

雖然已過了CNY假期好一段日子,但心情依然處於Holiday Mood,令我想起年三十那天一班同事到茶樓食團年午飯時的情景,同事J更帶埋佢部Lumix GF1盡情Snap,而我哋亦盡情地選點心、湯麵等,食物味道非常好,個個都食到好飽好滿足。最後大家還點選甜品,而原本嚷着要早走的同事E,為了那個甜品而留下來,同事C笑她做「為食玲」﹗哈哈!懷着Holiday Mood回想與CNY有關的軼事,感覺相當不錯!

Sanna

我發現大部分愛貓之人都鍾意大肥貓,至少我認識的貓癡之中全部都係。早幾日去銅鑼灣古董婚紗店Satis Factory影婚紗Styling,踏進店內第一樣最吸引我唔係漂亮嘅古董婚紗,而係喺門口邊食緊嘢嘅大肥貓毛毛!呢隻貓王係我近年見過最肥大嘅貓咪,可能係來自美國關係,體形特別大。雖然咁大隻同埋已經10歲,但非常敏捷,影相時仲識望鏡頭擺Post添!

Moe

接觸過不少名牌,門面工夫做到足,但真正有Heart的真的有數得計,其中比利時袋牌Kipling是我比較欣賞的品牌。較早前認識了Brand Manager Alan,每次見面他都非常熱誠地介紹品牌的威水史,Hardsell在所難免,不過我感覺到他對品牌的熱愛和忠心。上星期出席品牌的午餐會,場地明顯經過細心布置,最令人印象深刻的是牆上的黑白畫,公關們特意將新一季的廣告照Tone成黑白色,掛在餐廳原先的黑白畫當中,融為一體,和諧自然。見微知著,就算這種!