睇伴侶性格 V Day送手機

唔經唔覺情人節又殺到埋身，如果各位仲未諗到送乜嘢禮物，不妨由Gadgets入手，當中又以手機最常用及易於攜帶，送畀情人保證可時刻「掛」在身邊。不過芸芸手機中，究竟邊款最啱對方呢？與其左猜右度，不如試玩以下心理測驗，看準情人性格送至啱用手機，咁就保證可以開心密密傾啦！

所謂一樣米養百樣人，若想手機正中情人心意，不妨先玩以下心理測驗，看看對方屬於哪一類形，再對號入座買機送禮也不遲。

問題︰

在剛過去的農曆年假期，他/她跟你是如何度過的呢？

A. 外出旅遊避年。

B. 到雙方屋企拜年。

C. 與朋友開Party、打麻雀。

D. 留在家中享受二人世界兼煮飯仔。

A.細心型

揀答案A的人低調慢熱，但對伴侶卻極為細心，對方的每一事、每一物早已深深印在腦中。若能送一些對他們具象徵意義的物品，以表示你對佢同樣關心，對方收到肯定會甜在心。

For Him︰Softbank 945SHG $3,880（a）

男仔都愛高達，若男友是高達迷，就一定要送呢部手機。945SHG由SoftBank跟Bandai合作推出，全機以「元祖高達」為藍本，不但用上紅、白、藍作主色，電池底蓋更印有「十字盾牌」圖案，夠晒貼題。電話還內置了多款高達主題、Wallpaper圖案及鈴聲，加上隨盒附送1:100高達模型，真正傾得又玩得。

For Her︰Alcatel OT-808 $890（b）

若女友鍾情化妝品，送呢部Alcatel OT-808就深知佢心，事關此機採用渾圓機面加粉紅用色，望落跟一般化妝粉盒好相似。最體貼係揭開後會找到四行十排的QWERTY鍵盤，英文字母獨立成鍵，最啱留有水晶甲的女士喪打SMS。

B.務實型

揀答案B的人精明實際，看待事物重功能輕外表，若能以最抵價錢換到最多功能，他們便愈有滿足感。因此送禮畀佢哋最重要是性價比高，這樣對方便會覺得彼此思想相通。

For Him︰HTC Desire HD $5,198（c）

Desire HD賣五千多元唔算平，但它卻擁有4.3吋LCD大屏幕、Dolby Mobile及虛擬SRS音效，座枱睇片效果一流；配合1GHz處理器、720p HD高清拍片及800萬像素鏡頭，絕對物有所值。最重要是它預載了HTC Sense操作介面，方便男友隨時掌握新聞及股票資訊。

For Her︰Huawei IDEOS $1,880（d）

Android機賣到成行成市，但售價低於$2,000的選擇唔算多，這款IDEOS便是其中之一。它是全球首部原生Android 2.2手機，有齊3G Hotspot、App2SD等功能，性價比極高。其設計更符合人體工學，配合100g機身重量，啱晒女生纖纖玉手使用。機殼則有黑、藍、黃及粉紅4色任揀，日日唔同衫都襯得掂！

C.玩樂型

揀答案C的人喜愛搗蛋玩樂，有時甚至會因此而冷落情人，由於好奇心重，只要事物具新鮮感，便會吸引到他們的注意。因此送手機最重要多嘢玩，一來可令對方坐定定，二來一齊玩也能增加情趣。

For Him︰Apple iPhone 4 $4,988（16GB）、$5,888（32GB）（e）

數至好玩手機，iPhone無出其右，最新的iPhone 4更配備了Retina Display屏幕及720p攝錄功能，分唇為歷代最全面。App Store目前程式數量已逾30萬個，逐個試都有排玩，而且大熱遊戲《Angry Birds》早前出了情人節版，兩口子一齊玩Sweet到爆！

For Her︰LUMIX Phone $4,380（a）

港女都愛自拍Snapshot，呢部LUMIX Phone係Panasonic首部加入拍攝技術嘅手機，本身1,320萬像素已經超晒班，而且支援篤芒對焦、人臉對焦及美顏模式，配合iA自動模式，毋須大量設定都能拍出優質影像。早前廠商更追加粉紅機身，當作情人節禮物就夠晒氣氛。

D.浪漫型

揀答案D的人是浪漫情聖，簡單如一齣影片、一個短訊，都能令他們十分難忘，因此送禮最好能帶給對方想像空間及浪漫氣氛。

For Him︰Nokia N8 $3,998（f）

雖然N8為全球首款Symbian^3智能手機，但強項其實是拍攝功能，不但具備f/2.8大光圈、1,200萬像素蔡司鏡頭及Xenon閃光燈，還支援720p高清拍片及HDMI輸出。送禮前先拍下情深說話，送禮後經大電視一齊欣賞，必定甜蜜溫馨。

For Her︰Samsung NORI $1,988（g）

Samsung NORI設計似足日系機，並提供4種漸變色外殼，單是外觀已經叫女仔冧爆。但原來佢面蓋設有3排LED閃燈，用戶只要透過編輯器，就能更改閃燈圖案及閃爍速度，入定「心心」及「I LOVE U」圖案畀女友，收到仲唔感動到喊。

查詢︰ （a）2374 0618 （b）3180 2777 （c）3520 1234 （d）3590 8589

（e）800 908 988 （f）2136 6338 （g）3698 4698

你要識！

Mark Zuckerberg（Facebook創辦人）

* 前哈佛大學學生，於2004年創立社交網站Facebook。

* 直至目前為止，Facebook全球擁有超過5億用戶，亦是全美國瀏覽量最高的網站。

* 早前獲美國時代雜誌《Times》選為2010年度風雲人物。

* 以他成名史作藍本的電影《社交網絡》雖然有醜化之嫌，但卻獲得了8項奧斯卡金像獎提名。