Chat Room

潮流版記者Kiki

放了四天的CNY假期，雖然實質休息的時間並非好充足，卻過得好開心。開心的原因除了是看見今年時代廣場與海港城的利是封好鬼靚，收到好鬼開心之外，年初二亦正正是自己的生日，那天吃了一頓至愛的煎蘿蔔糕做午餐後，便到銅鑼灣瘋狂地唱K，繼而狂吃韓式燒烤，真的讓我十分開心，我相信是兔年的好開始！

潮流版記者Sanna

農曆年家人都會買年花布置屋企，之前睇新聞話天氣太凍，今年的花會貴，質素又唔好，果然年三十晚去到花墟，發現大部分花都好貴，所以對買年花回家都冇乜期望。不過農曆年嗰幾日，天氣回暖、陽光充沛，家中劍蘭、百合同蘭花都相繼盛放，非常之靚，Yeah！在此祝大家如家中年花一樣，花開富貴，人比花嬌！

潮流版記者Moe

港式雞蛋仔大家一定食過，不過各店水準非常參差，我食過最無誠意的是那些只得個「乾殼」，偷工減料，人神共憤！身為長洲島民的我，就至愛北帝廟附近志記所賣的雞蛋仔。多年來婆婆堅持一火一爐、即叫即做，成品外脆內軟，內餡異常飽滿，我認定它是全宇宙最好吃的雞蛋仔，每到新年更要排隊半小時才有得吃呢！