女球迷Ki子熱捧C朗

男生睇波睇戰術、睇腳法，又或者係某支球隊嘅死硬派支持者，即使被嚴刑拷打都唔會轉軚，但係女生睇波又會從邊個角度去欣賞呢？從球衣設計，抑或從球員夠唔夠靚仔出發？可以從呢個女球迷的個人網誌「女生看足球」去參詳一下。從網頁背景圖畫以至開版相，可見到全部都係「C朗」基斯坦奴朗拿度的相片，唔使講都估到網主Ki子係不折不扣嘅C朗球迷。其實再睇得仔細啲，可以知道網主亦同時係紅魔曼聯兼夾葡萄牙國家隊的球迷，應該同網主係澳門人好有關係，甚至在最新《Torres倒戈》一篇中講番最近利記1：0擊敗車仔，都因為利記葡國球員Meireles入波而開心。

入場睇波分享點滴

　　作為C朗及紅魔球迷，07年曼聯訪澳門時，Ki子當然亦有到場，仲影低唔少球星操練時的靚相，不過除咗睇球星，Ki子都不時有入場睇波，好似澳門對蒙古的亞洲盃外圍賽，亦有網主所講「無乜人睇」嘅澳門聯賽，仲話唔使好似伊朗電影《越位女球迷》中嘅女球迷要潛入球場睇波。其實依家愈來愈多女球迷，有啲仲會同你講呢個球員應該點樣走位、呢球踢得唔好咁，男球迷們唔好再戴住有色眼鏡去睇佢哋啦！

網址：http://hk.myblog.yahoo.com/qoos_kiki