陳豪情人節 打機不愁寂寞
I Play 大玩體感遊戲
「唔好睇我平時斯斯文文，其實我都係機迷。情人節難得有假期，梗係約埋朋友一齊打機啦！最近我買咗Xbox 360 Kinect，配合埋體感遊戲《Kinect Sports》，打排球好似真正落場咁，感覺勁Free。最正係玩時可出一身汗，真正寓娛樂於Keep Fit！」
I Drink 追求味道層次
「係人都知我鍾意飲咖啡，但冇咩人知我鍾意玩火。所謂『玩火』，係指我鍾意研究咖啡豆响唔同烘焙溫度下，產生嘅不同味道層次；以埃塞俄比亞摩卡為例，烘焙後就會滲出絲絲朱古力同藍莓味道，加上咖啡原有味道，口感相當豐富。」
I Wish 尋找咖啡知音
「今年嘅新年願望都係同咖啡有關，好似第二輯《品味咖啡》現正籌備當中，屆時會走訪更多國家，尋找咖啡真味。另外計劃多年嘅咖啡店，亦會於今年內正式開張，地點暫時就未可公布，但我公餘時會落舖幫手，希望從中可找到咖啡知音啦！」
陳豪