得閒圍脖

潮流版記者Candy：

如果各位微博朋友有追看我的每日更新，應該記得我提及過一間訂製西服的沙濤洋服店，位於中環機利文新街。今天所穿的駱駝色長身西裝褸，就是出自沙濤洋服店，參照大品牌的款式而度身訂造的，手工細緻且非常稱身，個人極喜歡， 你們覺得好看嗎？

潮流版記者Irene：

中學老死於上年年尾添丁，由於工作繁忙一直未有時間探望。早兩天終於可以登門造訪。第一眼看到BB，感覺甚為神奇，因為老死天生一副童顏，很難想像她轉眼做了人哋媽咪。BB Hazel眼仔碌碌，最鍾意玩脷，好可愛呢！希望你快高長大，最緊要似足媽咪咁叻女呀！

潮流版編輯Elaine：

身為報館副刊編輯，每年農曆新年前都要趕工，忙得天昏地暗；但朋友們又不停相約出外遊玩，貪玩的我，寧願捱攰捱眼瞓都要奉陪到底，可憐我家的寶貝狗狗，在家裏悶了足足兩個星期；所以上星期日我決定帶埋佢同朋友遊東壩地質公園，小狗雀躍萬分，遊山玩水之後就連個樣都零舍可愛。^^

科技版記者Vincent：

小記屋企部電腦都用咗成四、五年，雖然唔算好快，不過一直都相安無事，加上習慣將硬碟分割為C、D兩份，所以都好少將資料備份。前排突然發現部腦運行速度異常慢，心諗Format部機再裝番個Windows應該冇事啦！點知搞咗成晚，硬碟就Format唔到，反而洗晒入面嘅資料，勁灰！經過同事們初步診斷，應該係硬碟故障，要成個更換，絕對係雙重打擊，所以喺度奉勤大家勤做Backup，以免後悔莫及！

科技版記者Alfred：

今日係大年初七，既係小記嘅生日，亦係咁多位讀者嘅生日，先同大家講聲「Happy Birthday」！大家過年逗利是嘅成績如何？夠唔夠錢買份生日禮物送畀自己呢？小記就算去埋女朋友屋企，新年都只係食咗兩餐飯，至於身邊朋友一個都未結婚，更遑論可以逗到佢哋利是。咁幾百蚊利是錢又可以買到啲乜呢？我就啱啱買咗隻PSP《戰場女武神3》，隻Game集戰略同育成於一身，人物設定又靚，小記連佢嘅動畫都有煲，所以唔買真係對唔住自己！

科技版記者貓科：

小記係電視精，為咗睇齊成個星期嘅心水節目，錄影機內設定咗二十多個預校錄影，但每次要逐一輸入，確實相當麻煩。Sharp打算喺AQUOS 24吋LCD TV LC-24K5上，引進自動錄影功能，只需在遙控器輕按自動錄影掣，就能錄低平時收看率最高嘅節目，無須用家慢慢輸入預校錄影，方便簡單得多。雖屬24吋細機，但已備有全高清屏幕，加上3組HDMI，更可透過接駁USB手指儲存錄影，靈活性一流，預計今年3月嘅日本推出，唔知幾時會引入香港呢？