手機風水App隨時單撈好運
轉眼間就到大年初一，又係時候了解流年運程，為自己增強運勢。坊間無錯係有好多運程書，但又重又大本之餘，查資料仲相當麻煩。有見及此，Nokia今年再次推出《風水運程》App，輕鬆篤幾吓就能為用戶指點迷津；配合《風水羅盤》，連催吉方位都任你擺布！
已經是第5個年頭推出嘅Nokia《風水運程》App，內容由知名堪輿學家黃文超（觀龍師傅）編撰，並以深入淺出的方式介紹流年運程，即使對風水一竅不通的朋友也能輕易掌握。程式現時放在Ovi Store免費下載，惟留意只支援Symbian^3及S60兩大平台，舊用戶想用就要快快升級了！
新增吉時吉日
玩得風水App，當然第一時間想睇流年運程，這方面「十二生肖運程」就幫到你。它不但逐一分析事業、財運、健康及感情運，還為各個出生年份提供運程簡介，預測更有針對性！若閣下屬雞、鼠、馬及龍，就要看「犯太歲生肖增運法」，透過專用Wallpaper及手機主題來增強運勢。其他內容還包括「催旺風水法」、「辦公室風水」及「流月風水」等；不過觀龍師傅就話必睇「正月吉日」︰「呢個係今年新增分唇，我幫大家搵齊今年吉時吉日，大家對住就可以酬神、謝灶、開市同祈福。」
羅盤定位更準
除了《風水運程》外，《風水羅盤》App亦同步免費推出。簡單來說它就是一個流動羅盤，介面同一般指南針好相似，但除了基本方向外，還提供卦象和方位的天干地支。進階用家更可觀看「七運」及「八運」九宮飛星圖，然後透過「筆記」功能詳細記錄方位資料。Nokia香港及澳門區市場營運總經理林國誠（Bruce）更補充說：「今年的風水羅盤比以往更精確，而且當手機太接近磁鐵或金屬物品時，都會自動發出干擾提示，務求把外來影響減至最低」。
有App指點，兔年仲唔行運。
觀龍師傅研究堪輿術數已有20多年，《風水運程》保證夠晒專業。
Bruce指《風水羅盤》自己亦有份監修，希望把所知所識回饋用戶。
透過「流年風水」，用戶就能知道今年的財位或桃花位。
有齊十二生肖的流年運程分析。
「犯太歲生肖增運法」提供多款增運Wallpaper及手機主題給用家下載。
「辦公室風水」就教各位擺番個招財布局，啱晒做生意嘅朋友。
「正月吉日」係新功能，方便用戶擇日酬神祈福。
姻緣、升職各有所求，「催旺風水法」就教大家點針對性布局。
今年的《風水羅盤》抗干擾功能特強，偵測方位更為準確。
除了二十四卦，還有六十四卦介面，不同派別的風水師都照顧到。
鎖定羅盤後就能進行記事，師傅話呢個功能原本開發來自用。
骰盅賀新春
新年難免會跟朋友玩番兩手，程式就提供咗骰盅及魚蝦蟹，就算冇帶工具都可以大殺三方！
寫揮春
寫揮春係就係好應節，但勁臭又唔環保。呢個App就畀大家寫吓環保揮春，過足手癮！
恭喜發財
恭喜發財新年一定講，這裏有齊閩南話、客家話等8個方言的讀法，回鄉拜年必備！