Lillian一腳踼 整蘿蔔糕

I Cook 親手切絲蒸糕

「每年都會自己整蘿蔔糕，由批蘿蔔，切絲到炒熟配料都一腳踢，只係有時一次要蒸幾底糕先要靠工人幫手睇火，每次整完後都好有滿足感。最近亦愛上整蛋糕，早排更去上堂學整香噴噴嘅生果蛋糕，生日請朋友食就最開心，但其實自己就鍾意朱古力味多啲。」

I Shoot S95影夜景勁靚

「依家差不多日日都帶住部啱啱入手嘅Canon PowerShot S95數碼相機周圍去影相，點解揀佢？S95影夜景靚，而且顏色又好Sharp，影食物或影景時，又可以轉去魚眼鏡模式拍攝，效果好得意；影人嗰陣又有美肌模式，有邊個女仔唔想又白又滑先！」

I Watch 睇愛情片得啟發

「自己鍾意睇愛情電影，近期兩套愛情電影《Eat,Pray,Love》（《再單身遊記》）同《Love and other Drugs》（《愛情戀上癮》）都係心水作。前者好有啟發性，就算感情上有所迷失，都可以勇敢地再次尋回自我，好適合廿多歲到四十多歲的女士欣賞。」